Aso Sosaana qalota so ỹapaxaguenec aso Maria, qaq coʼollaxa so Gostavo nvireuo ra lʼonataxanaxac, nache aso Maria raqtaxanem so qaỹapaxaguenec. So maye ʼeesa ra ʼonaxaic so huaʼaqchigui qalaq sa ishet ra ỹataqta iʼamaqten. Chaʼaye so maye mashe huaʼaqtega ra qalota na shiỹaxauapi iaʼaxattac ra qomiʼ ishet ra machiguiñe qataq samaxasoqchiguiñe, qalaq sa ishet ra ʼeetec raʼa. Qalaxaye nache jec so sábado yaqto nʼaqtaxaneʼ so lauoreua.

—Ajaʼ nache ʼeetec, Gostavo, aye nere nachaye aye la Biblia —lʼaqtac so Elia—. Saxaỹet ra setaxaỹaxatac nache ỹataqta sa npeʼen ra huoʼo ye iaʼaxat qataq ʼeesa.

—Qalota na nʼamqajnataxanaxac qataq nam lataxaguesat na lmariaxac na shiỹaxauapi ra icoʼ nachera ra ỹoqta nateʼeteuo nqaʼaic —lʼaqtacoʼ so Gostavo—. Qalaq ana mayepi sa ishet ra imeuec naqʼen ra laataxac, ra qauem lʼonataxanaxac na ntaʼalpi, ra sanahuojtat na ỹottaʼaʼt na shiỹaxauapi qataq ra nachoxoyec. Ra quejnaxac qaica ca logaʼt ivirauga ʼenauac na shiỹaxauapi. Nache, ¿táenʼco taxa ra samaqten na iaʼaxattac aye nere?

So Elia huoʼo so ỹapaxaguenec so maye nache ỹoʼot ra ỹoqta lʼaalaxa. Nache imejnaxanec aye la Biblia nache ỹachaxatac ñi shiỹaxaua ra ỹamaqpec ñi lỹa nache taỹaʼa ra nquejnaxac, taq na shiỹaxauapi huanna ra ỹaỹamaqchiguiñe ye nqaʼaic ra maiche ndotec. Ra lcuennataxac so Gostavo ỹataqta nateeteguet ye qaỹactaxanem, chaʼaye reʼera aloic huetalec ye maiche netaña qataq ʼenauac ana aʼlhua laỹipi.

 So Elia ỹachaxana so Gostavo ra táʼainec ra ỹoqta ʼeesa na iaʼaxattac aye la Biblia. —Aye la Biblia ỹan noʼon nqataxacpi qaỹaloqnaxana aso Sosaana so ỹapaxaguenec aso Maria, taqaʼen ỹachaxan táʼainec na shiỹaxauapi ra huoʼo ra nquejnaxac, taq ra iaʼaxat ana ­ciencia nache ỹataqta sa npeʼen ye iaʼaxattac.

—¿Cam ʼeetecoʼ aye nere ra toxoshaxapec, nache ishet ra ỹan ca noʼon nqataxacpi qataq sa npeʼen ra iaʼaxat ana ciencia? —ʼenapecoʼ so Gostavo—. ¿Négueʼt ca ỹiʼiriñe aye la Biblia?

—Sa ishet ra ʼonolec coʼollaxa ca neraxanec. Aye la Biblia laỹonaʼt naua sesenta y seis nerepi, lerguishe so cuarenta shiỹaxauapi, imattrauec so mil seiscientos viʼiye. Mashe lenaʼ ra mil novecientos viʼiye ra qaimat, naiʼctaxa so neraxanecpi ra saỹaỹaten ana ciencia, qalaq ishet ra iaʼaxat nam ra qaỹaỹaten. Qaỹaloqnaxana so ʼonolec neraxanec ra iaʼaxat ana aʼlhua ra icoʼ chochaq netashiguem, qaica ca lqoñetaxat. Coʼolloxoche qaica ca ỹaỹaten reʼera, mashe coʼollaxa qoỹoctegue na viʼisatpi nache chetaʼague ra iaʼaxat na cientificopi ye qaỹaỹaten.

Ỹaguecoʼ so Gostavo ra lqochoxo ye qaỹaxattac, nache so Elia ỹachaxana ye lỹa qaỹaxattac reʼera taqaʼen nʼaalaxa ñi maye.

—Coʼolloxoche ana la Biblia mashe iaʼaxataʼa ra doscientos viʼiye ra qanlaxajñe so peulo salaxaic lʼañaxac qaỹamataʼac Babilonia. Iviraʼa ra iaʼaxat ra lʼenaxat so ntaʼa naueguelaʼt ye peulo coʼollaxa saxanaxa ñiguiñe so ntaʼa. Taqaʼen iaʼaxat cam ʼeetec ra loxonaxanaxac. Qalaq neʼena qaỹaxattac nache chochaq ndotec ra ʼonolec ra naloqnaxanaxat nam qalota ra mashe iaʼaxataʼa ra qoỹettañe ana la Biblia

Ñaq recuennataxatac coʼollaxa so Gostavo, nache so Elia huoʼo so iaʼaxatem nache ỹoʼot ra ỹoqta inquigaxatec ra lʼaalaxa.  —¿Auaỹatenoʼ ra ʼenauac ra nquejnaxac na shiỹaxauapi sogote coʼollaxa iaʼaxataʼa ana la Biblia so mil novecientos viʼiye mashe ỹoxoguelo? —renataxan so Elia, nache itaxaỹaxan ye versículo qaỹachaña na paguiñe:

• “Nataqaʼen ʼauaỹateeta deʼeda qom mashi nayiitaʼa ca logaʼtna, nachi nvildeuo caua naʼaxaʼte ỹoqta huoʼo da lqalaiʼc. Chaʼayi da nʼonataxac na shiỹaxauapi ʼeetaʼ: maichi nauojlaʼt, qataq quetagueʼ da lcopitaxanaqtaic ana plata, qataq ñiʼoxonnaxaic, ʼotanaxanaxaic. Namayipi sa iyacnapec ñi Dios, qataq sa ỹalaxalguete caua ltaʼal, qataq ʼagaqaic, qataq qaica naqʼen ca ʼenec da nʼamqajnataxanaxac. Namayipi sa dechoxonnataxan, qataq sa nauoteʼ ca lỹa, qataq nʼaqtaqa lʼoʼ, sa ishit da maichi ntel-laʼt, qataq yiloxoic, qataq sa ishiteguet na ỹaỹamaqchiguiñi. Namayipi queʼelaqtaxanaxaic, qataq saq llivigui lauel qataq ỹashittagui da ñiʼoxonnaxac, qataq ỹagaqainapeguec ca maichi lqochoxo”.

So Elia taqaʼen ỹachaxanataxanec ana la Biblia ra mashe iaʼaxataʼa ra ʼenauac ana aʼlhua ra huoʼo qome ra laataxac, nalolaxaco, nqouaxa, racholaxan ana aʼlhua qataq na saỹaỹamaxanisat, qataq na laỹipi quejnaxac.

So Gostavo ỹaguec ra lʼaalaxa chaʼaye ana la Biblia coʼollaxa iaʼaxataʼa ra qalota na aloiguesat huaigui so maye qataq aso Maria mashe sogote qaỹaxattac.

—¡Ỹataqta salaxaic ra iʼaalaxa!— lʼaqtacoʼ so Gostavo.