LAỸI 4
¿Cam ʼéetecoʼ ra lmariaxac soua maye coʼollaxa ime ra ỹalaxagueta so Satanás?
So Adán taq aso Eva sanaxaỹaxanalo ñi Dios nache ileʼu (Génesis 3:6, 23).
Aso Eva ỹalaxaguet so araxanac nache chec aso ʼepac ala. Ime nache ỹanem so Adán, nache taqaʼen chec aso ʼepac ala.
So ỹoʼoʼt soua maye ỹataqta sa ỹaỹamaxañe, nache huoʼo ra lasouaxasheʼt. Ỹoqoʼoye ñi Dios nache ỹolrauec ra huetraña ye mataxaqui.
Ime nache huoʼo ra nquejnaxac soua maye taq na llalacpi. So lcopaʼague nache ivitra ra lqueroxoʼ, nache ileʼu. Sa ishet ra taregue ra piguem, qoʼ ra huoʼo ca huetraʼague nache ñaq ncaʼaltrauec, soua maye chochaq imeuo ra lcaʼalaxa.
Na leuaxaicpi chochaq nlaguiñe, ʼenaʼam na ʼalhua lsoche, ỹoqoʼoye sa ishet ra huoʼo ca ỹoʼot (Génesis 3:19).
ʼEnauac qomiʼ llalacpi so Adán taq aso Eva, ỹoqoʼoye qomiʼ taqaʼen seleuac. Na leuaxaicpi sa ishet ra huoʼo ca ilaʼa, qaica ca noma, qoʼ ra huoʼo ca ỹoʼot (Eclesiastés 9:5, 10).
Ñi Jehová sa ishet coʼolloxoche ra lcuennataxac ra ileu na shiỹaxauapi. Yactaʼa ra ncaʼalaxatecpi na leuaxaicpi. Qaq ra ỹataqta ỹalaxaguet ñi Dios nache tateec ra lcaʼalaxa.
Petaʼa taqaʼen ra ʼalauela
ENSEÑANZAS IMPORTANTES DE LA BIBLIA
¿Ca ʼeetec ca lataxac na leuaxaicpi?
Aye la Biblia ỹachaxanapec ra huoʼo ca naʼaq ra qalota na shiỹaxauapi ỹoltaxa ncaʼalec, ʼenaʼam so Lázaro.
ENSEÑANZAS IMPORTANTES DE LA BIBLIA
¿Táʼaencoʼ ñi Dios ỹasheetec ra queʼejnaxac?
Qalota na shiỹaxauapi nnaxajlaʼt taʼaencoʼ huoʼo ra nquiỹaxa taq nqueʼejnaxac ana ʼalhua. Aye la Biblia ỹan ra lasataxac ra ỹataqta iʼañaqchet.
Aye la Biblia qanegueʼt ra lʼaqtaxanaxac
