LAỸI 1
¿Cam ʼéetecoʼ ra ñaxanaxaỹa ñi Dios?
Ñi Dios ra huoʼo ye iaʼaxat nache roʼonataxana aye la Biblia (2 Timoteo 3:16).
Ñi Dios roʼonataxangui so shiỹaxauapi nache qoỹirelec aso nere ra maiche lcuennataxac ñi maye. Aso nere nachaye aye la Biblia. ʼAm ỹataqta auen ra auaỹaten ca naigui ra lʼaqtac ñi Dios huetalec aye la Biblia.
Ñi Dios ỹaỹaten cam yoqta noʼon ra soʼotaq, chaʼaye ñi maye ỹataqta chigoqoʼot ra naỹajnec. Ra ñaxaỹaxanaxa nache noʼon ra qoyiquiaxac (Proverbios 1:5).
Ñi Dios huotaique ra ʼenauac na shiỹaxauapi ishet ra itaxaỹaxan aye la Biblia. Aye la Biblia nagui ishet ra qaitaxaỹaxan nam ỹottaʼaʼt lʼaqtacpi na shiỹaxauapi.
Ra huotaique anaxaỹaxana ñi Dios nache auen ra autaxaỹaxan taq ra anqatec ram naigui na huetalec aye la Biblia.
Na shiỹaxauapi netaña na ỹottaʼaʼt ʼalhua laỹipi mashe naxaỹaxatega ñi Dios (Mateo 28:19).
Na testigopi de Jehová ishet ra ʼam itauan ra anqatec cam naigui na huetalec aye la Biblia.
ʼEnauac ana ʼalhua na mayepi rapaguenataxateguec ram yoqta ʼeesa lataxac ñi Dios.
Sa ishet ra ausheeten ra ʼam qaỹapaxaguen. Taqaʼen ishet ra auauatton ñi Dios ra aualegueuo aca laponaxaqui na testigopi de Jehová.
Petaʼa taqaʼen ra ʼalauela
ENSEÑANZAS IMPORTANTES DE LA BIBLIA
¿Táʼaencoʼ ra ishet ra sepiʼiỹaqa na huetalec ana la Biblia ra iaʼaxat na ʼeesa?
Ra ñi Dios ỹilyiñe ana la Biblia nache ana maye qaica ca ʼenaʼam.
ENSEÑANZAS IMPORTANTES DE LA BIBLIA
¿Négueʼt ca chigoqoʼot aye la Biblia?
Ra ỹiʼiriñe so shiỹaxauapi ¿taʼaencoʼ ra qaỹamataʼac «Lʼaqtac ñi Dios»? ¿Négueʼt ca iʼaxat aye la Biblia?
RA QOMIʼ QAỸAUATTOʼN
¿Négueʼt ca qaỹoʼot ra qanapaxagueetega aye la Biblia?
ʼEnauac ana ʼalhua, na Testigopi de Jehová qaỹauatton souaxat ra ỹaatapeguec ca lataxaco na paxaguenaxac sa qaisheeten aye la Biblia. ʼAmeten ra lataxac.
NERECPI TAQ NMEJNAPI
¿ʼÉetec ra ʼauaỹateetegue ca naigui ʼam aye la Biblia?
¿Petaʼa aye la Biblia nere netaigui ra lhuennataxa na shiỹaxauapi qoʼ Lʼaqtac ñi Dios?
