LAỸI 9
¿Chaq lagui ra ʼenauac ana ʼalhua ra ỹoqta mataxaqui?
Na ỹottaʼaʼt aloicpi ana ʼalhua ỹachaxatac ra yactaʼa ramaxasoxon ra Lʼonataxanaxac ñi Dios (Lucas 21:10, 11; 2 Timoteo 3:1-5).
Ana la Biblia mashe lʼena ra iaʼaxataʼa na aloicpi huetalec ana ʼalhua. Iaʼaxataʼa na ñalacpi ra sa naxaỹaxana na ltaʼalpi taq na shiỹaxauapi yiloxoicpi, taq ỹaguec ra lqopiche ana plata, taq ỹagaqanauec ra maiche lqochoxo ra lqopitaxanaqtaic.
Taqaʼen iaʼaxataʼa ra huoʼo na ltaraic lacholaxanaxaco ana ʼalhua, taq laataxac, nqouaxa taq qalota na nhuetaxanaxacpi. Nachena nagui na seloqtaigui.
So Jesús taqaʼen iaʼaxataʼa ra qaiʼaxateec ra noʼon naxaỹaxac Lʼonataxanaxac ñi Dios ʼenauac ana ʼalhua (Mateo 24:14).
Ra Lʼonataxanaxac ñi Dios ỹapalaxat ʼenauac na qauem (2 Pedro 3:13).
Ñi Jehová yactaʼa ra nlaxajñe ʼenauac na yiloxoicpi.
So Satanás taq na demoniopi qaỹahuoʼo qome ra nhuaxanaguec.
Na shiỹaxauapi ỹataqta naxaỹaxana ñi Dios nache ʼeetai qome ra netalec neʼena ʼalhua, qaica ca huoʼo ca lliʼiaxa. Chaʼaye huoʼo ra nlagaxayec taq ʼenauacna ỹaỹamaqchiguiñe. ʼEnauac na shiỹaxauapi nchoxonaʼt, qaica ca huoʼo ca ñeʼetega ca lỹa.
Petaʼa taqaʼen ra ʼalauela
NERECPI TAQ NMEJNAPI
¿Chaq négueʼt ca naigui ra Lʼonataxanaxac ñi Dios?
So ñaq huetalec ana ʼAlhua, so Jesús ỹachaxan huaʼautaʼague ʼenauac na ishet ra ỹoʼot qome ye Lʼonataxanaxac ñi Dios.
NERECPI TAQ NMEJNAPI
¿Petaʼa huoʼo ca naʼaʼq ra imeuo ra qanqueʼejnaxac?
Aye la Biblia ʼenac ra, ñi Dios nquiʼia na saỹaỹamaxajñe taq iqochaʼa ca shiỹaxaua. ¿ʼEetec ra ʼam itauan ra auaỹateetegue raʼa?
