LAỸI 11
¿Qomiʼ naxaỹaxanalo ñi Jehová?
Ñi Dios naxaỹaxana ra qanatamnaxac (1 Pedro 3:12).
«Qomiʼ huaʼaxaỹalo da seỹaxanaqot» ñi Jehová (1 Juan 5:14). Ñi maye huotaique ra saqtaxanaxam ra lcuennataxac añi qarquiyaqte.
Nachaqñita ʼonolec ñi Jehová ra anatamnot.
Qalota na ishet ra ñatamnaqaque (1 Juan 5:14).
Anatamnot ñi Dios yaqto sa lcopaʼaguet ra ʼeetapeguec ca ỹoʼot neʼena ʼalhua, chaʼaye ra piguem mashe imat ra ʼeetapeguec ñi maye.
Ra anatamen nache auʼogoxona ra lʼenaxat so Jesús. Yaqto auachaxan ra anachiquiaxac ra ʼam ỹoʼotec so Jesús.
Anatamnot ñi Dios yaqto ishet ra auoʼoʼt ca ỹaỹamaqchiguiñe, taqaʼen aỹaxanot ra ỹoʼot ca arʼonatac, yaqto saxaỹet ra huoʼo ca qollec, taqaʼen aỹaxanot yaqto huoʼo ca armaʼ taq huoʼo ca anopoxoña. Taqaʼen ishet ra aỹaxanot ñi Dios ra ỹanem ca lʼañaxac ca sa noʼon.
