LAỸI 8
¿Táenʼco coʼollaxa ra ileu so Jesús?
So Jesús ỹan so nachaalataxac yaqto ishet ra tateec ra qarcaʼalaxa (Juan 3:16).
Coʼollaxa inoxoreec soua tres naʼaxaʼte ra mashe ileu so Jesús, nache huoʼo aso ʼalpi remejnaxaneuga aso laỹiʼ qalaxaye quiʼitchigui. Ñi Jehová ncaʼalaxateec so Jesús.
Nache so Jesús coʼollaxa nachaxana so nʼapostolpi.
Ñi Jehová ncaʼalaxateec so Jesús, nache ỹoʼot ra napacalec ra lʼañaxac na angel laỹipi taq ỹanem ra qaica ca logaʼt ra lcaʼalaxa. Ndoteec so nʼdiscipulopi ỹauaachigui ra ỹiʼiguelaxague ra piguem.
Ñi Dios ncaʼalaxateec so Jesús nache ỹanem ra ntaʼa ra Lʼonataxanaxac ñi Dios (Daniel 7:13, 14).
So Jesús ỹan so nachaalataxac nache ncaʼalaxateguesop na shiỹaxauapi ra nasouaxashet taq ra nleuaxa (Mateo 20:28). Ỹoqoʼoye ñi Dios ỹoʼoñe ra qomiʼ ỹanem ra tateec ra qanachaalataxac.
Ñi Jehová lcaʼaua so Jesús ra ntaʼa piguem lʼec nache iloʼogue ana ʼalhua. Taqaʼen huoʼo na laỹipi 144.000 shiỹaxauapi ỹalaxaguet ñi Dios. Na mayepi taigue qome ra piguem ra qancaʼalaxateec. Qaq reʼera noʼon lʼonataxanaxac na mayepi nachera qome ra Lʼonataxanaxac ñi Dios (Apocalipsis 14:1-3).
Ra Lʼonataxanaxac ñi Dios ỹoʼot qome ra mataxaqui ʼenauac ana ʼalhua. Nache imeuec ra laataxac, qachaxac, nachoxoyec taq ra nqouaxa. Na shiỹaxauapi ỹataqta machiguiñe qome (Salmo 145:16).
Petaʼa taqaʼen ra ʼalauela
ENSEÑANZAS IMPORTANTES DE LA BIBLIA
¿Táʼaencoʼ ra ileu so Jesús?
Aye la Biblia iʼaxat ta’aenco’ ra amaqtaqaic ra l-leuaga so Jesús. ¿Négueʼt ca ʼeetapeguec so l-leuaxa?
Aye la Biblia qanegueʼt ra lʼaqtaxanaxac
Na l-leuaxa so Cristo
RA QAICUENNATE
Intouennaqta’ac ra l-leuaxa so Jesús
ʼAm seỹaxanaxa ra qomiʼ ʼaualegueuʼalo ʼena ʼamaqtaqaic naponaxac. ʼAnapaxaguena ʼeetec ra ʼam itauan ra nachaalataxac taq ra l-leuaxa so Jesús.
NERECPI TAQ NMEJNAPI
¿Petaʼa ishet na leuaxaicpi ra qancaʼalaxateec?
¿Huoʼo ca ileu ʼarauotaxat? Ye nachaxanataxac huetalec aye la Biblia ishet ra ʼam itauan taq iʼañaqchet.
