LAỸI 13
¿Négueʼt ca soʼotaq yaqto qomiʼ ỹaỹamaxareeteʼ ñi Dios?
Sa ishet ra auaconguet na ʼonataguecpi nquiʼia ñi Dios (1 Corintios 6:9, 10).
Ra sauotaxac ñi Jehová nache sa ishet soʼotaq ca nquia ñi maye.
Ñi maye sa ỹaỹamaxaren ra secachac, taq ra qomiʼ nỹomaxaica, qoʼ ra soʼogoxona ana droga.
Ñi Dios nquiʼia ca ỹalauat ca lỹa, ra nsollactaguec taq ca ỹale ra lauañiʼ ca maiche lỹa. Taqaʼen saỹaỹamaxaren ra sagaqajnaxauec ra seloctaque ca qarsallaxa, qoʼ qomiʼ loquiaxaica.
Sa ishet taxa ra ñatamnacot na nqolacpi taq ra saqonaxa na espiritismo.
ʼEnauac na ỹoʼotaq neʼena saỹaỹamanisat sa ishet ra inoxoneua qome ca qaỹaxataʼaguet mataxaqui.
Auoʼoʼtec taxa ye noʼon ca aria (Mateo 7:12).
Ñi Dios ncopita ra sheenaxatac ra lataxac ñi maye.
Auoʼoʼt ye noʼon taq sa ishet ra ʼam shemataqaic. Ra auoʼoʼt reʼera nache auachaxatac ra nsoxoyec.
Ỹataqta ʼam ỹataqalec ra huoʼo ca auoʼoʼt, sa ishet ra huoʼo ca ʼoxotapiguiñe.
Achoxoren ca aria.
Auaxatem ca aria ra lataxac ñi Jehová (Isaías 43:10).
Petaʼa taqaʼen ra ʼalauela
RA QOMIʼ QAỸAUATTOʼN
¿Táenʼco ra qanapaxaguena aye la Biblia?
Aye la Biblia itauaatac na ỹataqta qalota shiỹaxauapi ʼenauac ana ʼalhua ra ỹanata na nnataxacpi ỹataqta ʼenec ra achaalataxac. ¿ʼAm anshetaique ra taqaʼen anapaxaguen?
