LAỸI 6
¿Négueʼt ca qomiʼ ỹapaxaguenque coʼollaxa huoʼo so auot ltaʼa?
Ñi Dios nlaxajñe so yiloxoicpi, qalaxaye ncaʼalaxatec so Noé taq so llalacpi (Génesis 7:11, 12, 23).
Nache 40 naʼaxaʼte taq 40 peʼ ra anactac so auot. So ʼetaxat nlaxalec ana ʼalhua, nache ʼenauac na yiloxoicpi ileu.
So angelpi yiloxoicpi ỹalat so ỹacona lʼocguiaxac na shiỹaxauapi. Nache ñigui na demoniopi.
Ndoteec soua netangui aso arca ra ncaʼalrec. So Noé taq so llalacpi coʼolloxoche lcopaʼague nache ileupi, qalaxaye ñi Dios ltaq ncaʼalaxatrec qome nache tatreec ra lcaʼalaxa.
Ñi Dios ltaq nlaxajñe qome na yiloxoicpi, qalaxaye npaxalec na soxoraicpi (Mateo 24:37-39).
So Satanás taq na demoniopi ñaq ʼeeta ra huotaique na shiỹaxauapi ra sa naxaỹaxana ñi Jehová.
Nagui, ʼenaʼam coʼollaxa so naʼaxaʼte so Noé, qalota na shiỹaxauapi sa naxaỹaxana ra noʼon lqataxac ñi Dios. Ñi maye yactaʼa ra nlaxajñe na yiloxoicpi (2 Pedro 2:5, 6).
Qalaxaye taqaʼen huoʼo na shiỹaxauapi iʼenaxat ra lataxac so Noé, nachena na testigopi de Jehová. Na mayepi naxaỹaxana ñi Dios.
Petaʼa taqaʼen ra ʼalauela
Aye la Biblia qanegueʼt ra lʼaqtaxanaxac
Qanqalaxatreguesop so ʼetaxat ltaʼa
NERECPI TAQ NMEJNAPI
¿Négueʼt ca ramaxasoxotac ʼenauac ana ʼalhua?
Ra lasataxac aye la Biblia petaʼa ishet ra auaʼlac. Auanata négueʼt ca naigui nagui taq qomchiye.
