¿Petaʼa huoʼo ye huaña ʼantoueetaʼac so ʼaualectaʼaguet na qarqaỹañecpi lʼonataxanaxanecpi ñi Jehová? Petaʼa ca ʼamaqtaqaic qaraponaxac, qaraponaxac ltaʼaraic sa qaicouaʼai, ʼonaxaic ʼarʼaqtaxanaxac ca predicación qoʼ ca noʼon ʼarmallaxac ca qarqaỹa... Reʼera ỹachaxan ra saishet ra ʼacouaʼai ñi Jehová. Enaʼam ñi maye  saishet ra ʼam icouaʼai qataq ntoueetaʼac so npeʼet ʼarʼonataxanaxac maye ʼauanot. Ỹoqoʼoye lyaxa ra ʼam itauan yaqtoʼ ʼaviʼiguelaxauaʼa na npueblo.

Ñi Jehová chigoqtoʼot ra ʼenapec: «Aỹem maiche souapegueʼ qome da seloʼogue ana ilopi qaguetapi. Qaq sheetaʼam qome ca qagueta loʼo da huoʼo da lhuogoxo da lagaʼt aca lalo qaguetapi, qaq ʼera da sheetec qome da huoʼo da iuogoxo da seloʼogue ana ilopi qaguetapi, ñeʼeguelaxat qome sachegoxotchiguiña cam huaña coʼollaq deqat» (Ezequiel 34:11, 12).