¿NACHE ʼeetaʼam ye ʼarhuennataxac aso Linda? Asomaye qaiquemaqchet ye lquiyaqteỹaxac souaxat ra iʼotec aso qarqaỹa lỹa. Choxoraqchigui ra qaiʼaxat ra huoʼo na ỹataqta iuet naxa ra na laỹipi cristiano huoʼo ye iʼotec, nache ỹoʼot ra ỹaxaneec ra iʼañaqchettac ra lpiʼiỹaxac. ¿ʼAm petaʼa ishet coʼollaxa qouaigui reʼera?

Ra huoʼo ca qarqaỹa maye qomiʼ iqueʼemaqchet, nache petaʼa huoʼo ra lqalaic ra sechoxorenaq, chaʼaye sepetaqtega ra cristiano camaye, nache iuen taxa qomiʼ irolguete ra lauotaxanaqtaic (Juan 13:34, 35). Ỹoqoʼoye, ra huoʼo ca qomiʼ iquemaqchet añi la congregación, ye nquiʼic ishet ra ỹataqta ltaʼaraic (Salmo 55:12).

Aye la Biblia ʼenac ra huoʼo naxa, ra huoʼo ca cristiano maye ishet ra nachitega ca lỹa (Colosenses 3:13). Qalaxaye ra qomiʼ souaqaigui reʼera, nache ishet ra huoʼo ra lqalaic ra sañoxotaq ramaye. ¿Négueʼt ca ishet ra qomiʼ itauan? Seuennataxanaxalec naua nqataxaco aye la Biblia. Semetenaq naua tres.

Ñi Qartaʼa Jehová ỹaỹaten ʼenauac. Ni Jehová qaica ca sa ilaʼa, iviraʼa ra qomiʼ qaiʼioteque souaxat na saỹaỹamaxañisat taq qanqalanaxacpi souaxat reʼera (Hebreos 4:13). Qalaq saishet ra ndoteec reʼera: ñimaye iuet na qarquiʼic (Isaías 63:9). Saishet ra iuaqta na nqalanaxacpi qoʼ na nhuogoxoyecpi qoʼ na machena na huoʼo, ra «ỹañoxot da nqanaxat da lauotaxanaqtaic da shinaqta ñi Dios», naiʼctaxa taqaʼen ra maiche lʼonataxanaxanec ñimaye (Romanos 8:35, 38, 39, TBSNT). Ra sheʼenaxataq ra lataxac ñimaye, nache qomiʼ nataqaʼen saishet ra sauaxasoqtaʼa camachaqca qoʼ ca shiỹaxaua qomiʼ iỹoteguesopa ra lauotaxanaqtaic ñi Jehová.

Qaỹapalaxat ca nasouaxashet saishet ra naigui ra qaỹaỹamaxareeta ramaye. Ra sechoxorenaq ca qaria maye qomiʼ iʼoteque ca qauem, saishet ra naigui ra soʼotaq ra icoʼ qapiʼolec, qoʼ ra icoʼ qaica ñaqaʼenaq ca lasouaxashet. Ñi Jehová huanna ỹaỹamaxareeta ra nasouaxashet, qalaxaye ñimaye ishet ra ỹapalaxat ra huoʼo ca huoʼomshe naueguelaʼt ra lchoxonnataxanaxac (Salmo 103:12, 13; Habacuc 1:13). Ñi Jehová «saishet da chochaq tatec da layeloxo», qaq souaxat ra huotaique ra sheʼenaxataq ñimaye nache qomiʼ ʼenapegalo ra sechoxorenataxanaq (Salmo 103:9; Mateo 6:14).

Ñisoueguesopaq ra nquiỹaxanaqtaic qomiʼ itauan. ¿Táʼaencoʼ? ʼAmeten ra icoʼ ʼauacona aca comaʼ ra lsallaxa maye huac ra 1 kilo nache ʼanasoqtaʼa ʼauotaʼa ʼanchennaxaatec na ʼarapique. Petaʼa saishet ra qalaqaic ra qonetec reʼera ra saq poc ye laloqoʼ. Qalaq, ¿ʼeetec taxa ra qalota ye  laloqoʼ ra qonetec reʼera? Ra ʼanasoqtaʼa acamaye nache queuoiguilo caua minutos, 1 hora qoʼ napacalec ra 1 hora, nache ivira ra nasamñe ana ʼarapique. Ra lsallaxa aca comaʼ saishet ra nqochen, qalaq ra ñaq jec ra queta ye laloqoʼ ra nasoqtaʼa, nache icoʼ ltaʼaraic ra lsallaxa. Nachera ra ʼeetec ra nquiỹaxanaqtaic: ra sauaxasoqtaʼa ra jec ra qomiʼ huetoʼoto, nache maiche qomiʼ ñiqueʼemaqchetaxalaʼt, naiʼctaxa ra qapiʼolec ramaye. Ỹoqoʼoye ñi Jehová qomiʼ ʼenapegalo ra salataq ra nquiỹaxanaqtaic, chaʼaye ñimaye ỹaỹaten négueʼt ca ỹataqta noʼon ra qomiʼ itauan (Proverbios 11:17).

¿ʼEetec ra ishet aso Linda ra nsoueeguesop ra nquiỹaxanaqtaic aso lqaỹa maye iʼotec so qauem? Ra itauan aso maye nachera ra reuennataxalec na huetalec aye la Biblia yaqtoʼ sechoxorenataxanaq (Salmo 130:3, 4). Ra ỹataqta maye ỹoʼot ra laʼaalaxa nachera ra icuennate ra sechoxorenaq ca qaria, nache ñi Jehová taqaʼen qomiʼ ichoxoren (Efesios 4:32–5:2). Ra recuennataxalec cam ʼeetec coʼollaxa ra itoqon ye lquiyaqteỹaxac neʼena textopi, ʼenapec: «ʼEnaʼam ra icoʼ ñi Jehová ỹataqta aiem naʼaqtaxaategueʼ».

So lcopaʼague, coʼollaxa aso Linda ỹaxaneec ra nquiỹaxanaqtaic. Imauec ra ichoxoren aso lqaỹa, qaq nagui ỹataqta noʼon ra auochaxauʼ soomaye. Aso Linda queta ra roʼonataxaatacot ñi Jehová. Nachi ʼeetec, ñimaye taqaʼen huotaique ra ʼam tateec ra ʼauonataxaatacot.