QAICA ca imauec ra qaica ca lhuogoxo, naiʼctaxa ra lʼonataxanaxanecpi ñi Dios. So salmista ʼenac: «Qataq coʼollaq nquictauec da ỹaquicoxo» (Salmo 94:19). Qataq so Jesús ʼenac ra mashe nayeetauo ca logaʼtna, nache huoʼo ra lqalaʼic ra qaỹoʼonataxanot ñi Jehová souaxat na qalota nhuogoxoyec (Lucas 21:34). ¿ʼAnanomteguet ra ʼanasamñe souaxat nam qalota ʼarhuenaxanaxac, nqalanaxac nam ʼarhuoʼ lʼecpi qoʼ souaxat na nhuetaxanaxa? ¿ʼEetec ishet ra ʼam itauan ñi Jehová?

Seuenaq ra qomiʼ qaitauan yaqtoʼ ishet ra sataỹaqaʼaguet na nhuogoxoyecpi. So apóstol Pablo ʼenac: «Hueteguelo ʼenauac nam iʼot da qadqalaic [...], qomiʼ qaỹamaxayiñi». Qalaxaye taqaʼen ʼenapec «sa ishit da saq huoʼo ca llic da qaỹaỹamaxajñi», taq «sa ishit da saqca cam qanaquitaxac» qataq taqaʼen «sa ishit da qadeleu». ¿Négueʼt ca qomiʼ itauan ra huoʼo ca ñaʼañaxataxaguet? Ra «ltaʼadaic nʼañaxac da chigoqoʼot ñi Dios», Jehová, maye qaica ca ỹaqalanapec (2 Corintios 4:7-9, Nuevo Testamento Toba Sur [TBSNT]).

ʼAntoueetaʼac coʼollaxa ʼeetec ra ʼam huetaʼaguet ra «ltaʼadaic nʼañaxac da chigoqoʼot ñi Dios». ¿ʼAntoueetaʼac ca noʼon ntaxaỹaxac maye ʼam ỹaỹanaqchet ra ʼam huetaʼaguet ra lauotaxanaqtaic tatec ñi Jehová? ¿Ỹoʼot naxa ra iʼañaqchet ra ʼarpiʼiỹaxac na ỹachaxanapecpi ni Dios ra ʼauʼaxatem na shiỹaxauapi ra aquitaxac ca Mataqaʼ? Na naponaxacpi cristianas taq ra nʼonataxanaxac ra nʼaqtac qomiʼ ỹanema ra qarʼañaxac yaqtoʼ ishet ra sataỹaqaʼaguet nam nqalanaxacpi ra achaalataxac, taq qomiʼ ỹanem ra nlagaxayec ra qarhuennataxac yaqtoʼ huoʼo ra qantonaxac ra soʼonataxanaqtacot ñi Jehová.

ʼEesa ñi Jehová iuattaʼa ra huaʼauñi ra ñimitaqaique ra Lʼonataxanaxac taq saxaỹet soʼotaq ra qarʼonataxanaxac reʼera saq chaʼa (Mateo 6:33; Lucas 13:24). Qalaxaye ishet queʼeca lalolaxa, nqalanaxac na maiche lalamaxat lauoʼ lʼecpi, qoʼ nqanaxataxac na lauoʼ lʼecpi taq ʼanauochaxauapi, ỹoʼot ra nqat ra ʼarʼañaxac. Petaʼa taqaʼen ca ʼarʼonataxanaxac naxateguet ra ʼauʼa añi congregación. Taq qalota na nateuo qataq saq poc ye arraqaʼ taq arʼañaxac ra yaqtoʼ ʼauoʼot, qaq petaʼa ʼananomteguet ra ỹataqta ʼanasamñe. Taqaʼen petaʼa ivira ra ʼarhuennataxa ra ỹataqta saq araloua ca iỹaxanaique ñi Jehová.

Qalaq ñi Jehová ỹaỹateetegue ra ʼananomaxa qataq saishet ra iỹaxanaique ca saq sishetaq ra soʼotaq. Ñi maye ỹaỹateeteguet ra nasamñe ra qarhuennataxac qoʼ qarʼoquiaxac, nache seuenaq ca qarraqaʼ ra ỹoltaxa huoʼo ca qarʼañaxac (Salmo 103:13, 14).

ʼAcuennataʼa, qaỹaloqnaxana ra ʼeetec ñi Jehová ntelaʼa so Elías. Huoʼo so huaña, so profeta ỹataqta qaica lʼañaxac taq huoʼo ltaʼaraic ra lliʼiỹaxa, nache tauga so ʼalhua tojlec. ¿Négueʼt so ỹoʼot ñi Jehová? ¿ʼEnapec ra maiche ra lasouaxashet somaye? ¿Ỹamaxalec ra ỹiʼiguelaxa so lʼonataxanaxac? ʼEnauac reʼera saishet ra ʼeetec. Ñimaye dos ra ltaxa namaq so ángel yaqtoʼ nquetoxon  qataq ỹanem so aloq somaye. Naiʼctaxa reʼera, so lcopaʼaguelo soua cuarenta naʼaxaʼte, so Elías ñaq queta ra raquicotac. ¿Négueʼt ca lỹa ỹoʼot ñi Jehová ra yaqtoʼ itauan somaye? Huaʼauñe, ỹachaxanem ra huotaique ra ntelaʼa somaye. Ime nache iʼañaqchet roʼogoxona so lavilỹaxac «qapioʼoñiic da l-lamaxa». Qataq raʼaqtaxanem ra saishet ra ʼoonolec somaye, huoʼo na laỹipi shiỹaxauapi ỹataqta saishet ra ỹaxaneec ra ỹoʼoxoreetac ñi Dios. Ỹoqoʼoye so Elías ỹoltaxa huoʼo ra lyaxa ra queta ra roʼonataxaatac ra profeta (1 Reyes 19:1-19). ¿ʼAuaỹateeteguet reʼera? Coʼollaxa so Elías ra ỹataqta nasamñe souaxat ra lhuogoxo, ñi Jehová huoʼo ra lhualaxavic qataq ra lchoxonnataxanaxac somaye. Nachi ʼeetec, ñi Jehová saishet ra naralaxat ra lataxac. Ñi maye ỹataqta ʼam iqochaʼa ʼenaʼam coʼollaxa seʼeso profeta.

Saishet ra ʼanaloqnaxanguet ra ʼaataʼam ñi Jehová nagui seʼeso huaʼauñi ʼaataʼam coʼolloxochiyi; ʼauʼot ca ʼanalotauaʼa nagui. Queʼeca qomitaxaic ra huoʼoi naua naʼaxaʼte viʼiye ra ỹaxaañe ra naỹamaxataxac, nache saishet ra pasaʼa ra lhuotta ra ỹiʼiguelaxa ra ỹoʼot reʼera. Iuen ra ỹoʼot ca caraʼac ca ʼeetapeguec yaqtoʼ itauan ra ỹanata ca lʼañaxac. Nache ʼenaʼam na cristianopi qomiʼ shenaqtaʼam so qomitaxaic: seuenaq ra ñaỹamaxataq qataq soʼotaq ca ỹataqta shenaqtapeguec (1 Corintios 9:24-27). ¿Huoʼo ca qonetapeguec ra ishet ra ʼauañoxot nagui? ¿Petaʼa ra ʼauotaique ra ʼauʼa ca naponaxac? ʼAviaxanot ñi Jehová ra ʼam itauan ra yaqtoʼ ra ʼauañoxot. Ra nagui nquictashiguem ra ʼarʼañaxac, nache ʼauaỹateeteguet ra ñi Jehová «ỹataqta soxoraic» (Salmo 34:8). Qataq saishet ra ʼacouaʼai ra huoʼo ca ʼauʼot ra yaqtoʼ ʼauachaxana ra ʼarauotaxanaqtaic, naiʼctaxa saq ʼamaqtac, qalaxaye ñimaye huoʼo ra naigui naqaʼen (Lucas 21:1-4).

¿ʼEetec ra ỹanem ra lʼañaxac ñi Jehová aso June, aso qarqaỹa maye saʼaxataq so huaʼauchiguiñe? Asomaye iʼaxat: «Huanna ra saxaañe ra ñatamenot ñi Jehová taq ra sequiguiʼot ra aiem itauan. Huoʼo so naʼaq, aso ỹate aiem ʼenapega ra huoʼo qome aca asamblea ye sootaña, nache sacona ra saleqtauo so ʼoonolec soua naʼaxaʼte. ¡Ỹataqta samaqchiguiñe ra ỹoltaxa saleqtaigui na lauoʼ ñi Jehová! Asaʼaso asamblea nacheso so ntaunaxanaxac maye seueetaque. Nagui, ỹoltaxa soʼonataxaatacot ñi Jehová taq ỹataqta aiem machiguiñe. Saỹaten nagui ra saishet ra maiche ñiỹoteec taq seuen ra ltauanaxanaxac ra qarqaỹañecpi. Ñitootapeguec ra saỹaten ra shiʼiguelaxauo ra ñaq huoʼo ye nraqaʼ».