¿ʼÉetec ra ʼarmejnaxanaxac ra qomchiye?
¿Petaʼa ʼauʼamaqten naua aloicoʼ na naʼaxaʼate ra...
-
... jecta nache ʼenaʼam nagui?
-
... taỹa ra saỹaỹamaxajñe?
-
... taỹa ra naỹamaxataxac?
NA ʼENAC AYE LA BIBLIA
Ñi Dios «iỹodeec ʼenauaque naua lachiʼ namayipi. Huaña, nachi sa ishit da ileu ca shiỹaxaua, qataq sa ishit da noỹiitac, huoʼotaq da nʼalaqtapiguiñi, huoʼotaq da huoʼo da nquiʼic. Chaʼayi ʼenauac na seloqtaigui nagui ʼenauac imeuo» (Apocalipsis 21:3, 4, Dios Nvita Na Shiỹaxauapi).
ʼEETEC RA ʼAM ITAUAN
Huoʼo qome ca noʼon nʼonatac qancopita (Isaías 65:21-23).
Qaica qome ca qanquejnaxac taq qaralolaxa (Isaías 25:8; 33:24).
Ye qantonaxac qome tateec salegaqtaigui ye qarhuoʼ lʼecpi taq qanauochaxauapi (Salmo 37:11, 29).
¿ʼAM ISHET RA ʼAUʼAMAQTEN AYE LA BIBLIA?
Ajaʼ, lappa na huetalguete, qalaxaye ndotec ʼam sachaxanalo ye dos:
-
Ñi Dios huoʼo ra lʼañaxac, ishet ra ipacchigui na ỹachaxanapec. Huetalec aye la Biblia ra ndotec ñi Dios qaỹaxana ra «qaica ca iqalanapec», ra lʼañaxac qaica ca logaʼt (Apocalipsis 15:3). Ỹoqoʼoye ishet ra sepiʼiỹaqaʼa ñi maye ipacchigui ra lʼaqtac ra imauec ra naralaxat ana ʼalhua nonaxatta. ʼEnac taqaʼen aye la Biblia, «ñi Dios mayi sa ishit da huoʼo ca ỹaqalanapec» (Mateo 19:26).
-
Ñi Dios huoʼo ra lyaxa ra ipacchigui neʼena qaỹachaxanapec. Qaỹaloqnaxana na shiỹaxauapi mashe ileu, aye la Biblia ʼenac ñi Jehová huoʼo ra lyaxa ra ỹahuoʼo ca lcaʼalaxa (Job 14:14, 15).
Taqaʼen ỹachaxan so Jesús, Dios llalec, nataren na sanoʼonpi ¿Qaq táʼencoʼ ra ỹoʼot raʼa? Chaʼaye huoʼo ra lyaxa ra ỹoʼot (Marcos 1:40, 41). ʼEnauac na ỹoʼotpi ỹachaxan ra iʼenaxatchigui ñi ltaʼa huoʼo ra lyaxa ra itauan ra huoʼo ca iuen (Juan 14:9).
Ỹoqoʼoye qomiʼ sepiʼiỹaqaʼa, ñi Jehová taq so Jesús nshetaique ra ʼonaxaic ca qarmariaxac qomchiye (Salmo 72:12-14; 145:16; 2 Pedro 3:9).
ʼANNAJLAʼT
¿ʼÉetec ra ỹoʼot ñi Dios ra ʼonaxai ana aʼlhua?
ʼAuanata ra lasataxac aye la Biblia ye MATEO 6:9, 10 taq DANIEL 7:14.
Petaʼa taqaʼen ra ʼalauela
ENSEÑANZAS IMPORTANTES DE LA BIBLIA
¿Négueʼt ra Lʼonataxanaxac ñi Dios?
ʼEnauac ra lʼonataxanaxac ra nʼaqtac so Jesús, so Jesús saxaỹet ra rapaxaguenataxanec ra Lʼonataxanaxac ñi Dios. Quegue so lappa viʼiyel so lapaxaguenatacpi so Jesús, nqouagaxaunaxac ra nviʼ yeʼeye Lʼonataxanaxac ñi Dios.
RA QOMIʼ QAỸAUATTOʼN
Aviaxan ra ʼam qanamaqtega
Aunataxanec na iaʼaxat aye la Biblia qoʼ auauatota ca testigopi de Jehová.
