Ñi Jehová qomiʼ lʼonataqa, qomiʼ napacalguete ra laỹajnaxanaxac ỹoqoʼoye qomiʼ ỹauoteque taq iqochalo. Sa ishet ra qomiʼ ỹoʼot nache ndotec ra huoʼo ca soʼotaq (Jeremías 10:23, [TNM]). Nache ʼenaʼam na ñaqpiolec iuen ra ca ltaʼal iqoỹattaguelo, na shiỹaxauapi seuenac taqaʼen ra ñi Jehová ishet ra ỹauectagueta (Salmo 32:8). Ra lqoỹaraxanaxac qomiʼ ỹamiʼ na lqataco aye la Biblia ra lachetaqtaxanaxac ñi maye. Autaxaỹaxan 2 Timoteo 3:16.

Na lamaxasoxonaxacpi taq lqataxacpi ñi Jehová qomiʼ ỹapaxaguen ʼeetec ca ỹataqta noʼon qarmariaxac. Taqaʼen qomiʼ ỹachaxanalo ʼeetec ra huoʼo qome ra qomchiye. Souaxat ñi maye qomiʼ ỹoʼot, ỹoqoʼoye seuenac ra saqonaxaguet ra lqoỹaraxanaxac. Autaxaỹaxan Salmo 19:7, 11 taq Apocalipsis 4:11.

Naua lqataxacpi aye la Biblia ỹataqta ʼeesalo ishet ra qomiʼ ỹachaxana ra shenaqtec ra qarataxac ra huoʼo ca machaqca. Qalaxaye na namaxasoxonaxacpi ishet ra qaỹoʼoxona ra huoʼo ca yoʼoqchigui aloic (Deuteronomio 22:8, [TNM]). Yaqto ra saỹanacteguet ca ʼeetec qomiʼ itauan ca nqataxacpi, nache seuenac soʼogoxonaxa ra qaraỹanaxanaic (Proverbios 2:10-12, [TNM]). Saloqnaxana, ana la Biblia ỹapaxaguen ra qanachaalataxac lachetaqtaxanaxac ñi Dios. Neʼena lqataxac ʼamaqtaqaic chaʼaye ishet ra qomiʼ itauan ra qar-ragoqo ye qaronataxanaqaʼ, ye qarmaʼ taq ra huoʼo ca qoyiquiaxac, taq qomiʼ ntoonaxan ra intelaqñe. Autaxaỹaxan Hechos 17:28.

So Jesús ỹaʼan soua dos nqataxacpi. So huaʼañe lqataxac ỹachaxan ra táinec ra qomiʼ qaỹoʼot: sauattonac ñi Dios, ra sauotaxac soʼotaq ra ʼeetapeguec ñi maye. Qomiʼ saxaỹet ra seuenac neʼena lqataxacpi ra nshetaique ra  huoʼo ca soʼotaq (Proverbios 3:6, [TNM]). Ca ỹalaxalec reʼera, nache iviʼ ra nauochaxaua ñi Dios taq huoʼo ra ntonaxac taq nachaalataxac chochaq tateec. Autaxaỹaxan Mateo 22:36-38.

Ye lỹa nqataxac ishet ra qomiʼ itauan ỹoʼot ra ishet ra qaica ca machaqca na qaraỹepi (1 Corintios 13:4-7). Ra soʼotaq yeʼeye nache sheʼenaxatac ra lataxac ñi Dios ra iloʼoguet na shiỹaxauapi. Autaxaỹaxan Mateo 7:12 taq 22:39, 40.

Na lqataxacpi aye la Biblia ỹamaq ra nhuojnat taq ihuoteetaʼt na maiche lalamaxatpi (Colosenses 3:12-14). Huoʼo ye nqataxac ilogue raʼa, chaʼaye qomiʼ ỹapaxaguen ra naronaxac chochaq tateec. Autaxaỹaxan Génesis 2:24.

Ra ñaxaỹaxanalo na lqataxacpi aye la Biblia taqaʼen qomiʼ npaxaleguete ye qarcuennataxa qorogoxoshet taq qorom . Saloqnaxanaxa reʼera, ca iuen ca ʼonataxanaxaicpi ra netalguete neʼenaua lqataxacpi, shiỹaxauapi ỹataqta quegue yeʼeye, ʼonaxaic nʼonataguec, ra ʼonataxanaxaic (Proverbios 10:4, 26, [TNM]; Hebreos 13:18). Taqaʼen na Lʼaqtaqa ñi Dios qomiʼ ỹapaxaguen ra qomiʼ ñitonaqtapeguec ra huoʼoi naua qarhuenaxanaco taq ra sachoxolec ra qanauochaxac ñi Dios, sa ishet na nsallaxacpi. Autaxaỹaxan Mateo 6:24, 25, 33 taq 1 Timoteo 6:8-10.

Na lqataxacpi aye la Biblia taqaʼen itauan ra ʼonaxaic ra qanachaalataxac; ʼenac aye namaxasoxonaxac saq naiguet na lataxa ra nʼaxaỹaxac nache qomiʼ ilogueʼelo na nalolaxaco taq ca nchegaxac ishet ra ndoʼ ca nleuaxa (Proverbios 22:24, 25; 23:20). Qalaq nache ʼeetec, ñi Jehová qomiʼ ỹasheetema ra inỹomagui ca lataxa, qalaxaye saq poc (Salmo 104:15; 1 Corintios 6:10). Na lqataxacpi aye la Biblia qomiʼ itauan, chaʼaye qomiʼ ỹamaq ra seloxogue ra qarataxac taq ra qarhuennataxaco (Salmo 119:97-100, [TNM]). Qalaxaye na cristianopi ʼeesa sa ishet ra chochaq sauoqoʼo nache ñaqataq ca qarhuennaxanaxac, soʼotaq reʼera chaʼaye sauoqtaique ra shioxorenac ñi Qartaʼa Jehová. Autaxaỹaxan Mateo 5:14-16.