Ñi Dios huotaique na shiỹaxauapi ra ntonatan ra nachaalataxac. Ñi maye ỹoʼot ana aʼlhua taq ʼenauac na huetalec chaʼaye ỹauotec na shiỹaxauapi. Yactaʼa ra nqat ʼenauac na nquejnaxacpi yaqto na shiỹaxauapi ʼenauac na huetalec naʼa huoʼo ca qomchiye ʼonaxaic lmariaxac. Autaxaỹaxan Jeremías 29:11.

Qaica ca ntaʼa ishet ra ỹapalaxat na qauemsat, nalolaxaco taq nleuaxa. Qalaxaye huoʼo ra ʼonaxaic nʼaxaỹaxac: mashe sa qaỹapeque ñi Dios ỹapalaxat ʼenauac na ntaʼalpi nache ndoʼ ca maiche lalamaxat ntaʼa. Na lamaxasoxonanecpi huoʼo ra nlagaxayec taq qaica ca sa noʼon. Autaxaỹaxan Isaías 25:8; Apocalipsis 21:4 taq Daniel 7:14.

Ñi Dios nqatec ʼenauac na shiỹaxauapi qauemaic nache imeuo ʼenauac qome na nquejnaxacpi (Sofonías 2:3, Traducción del Nuevo Mundo, [TNM]). ¿Lagui ỹoʼot reʼera? Aye la Biblia mashe iaʼaxataʼaguet ʼenauac sochaqna ỹoʼot ra nquejnaxac na shiỹaxauapi. Neʼenaua naʼaneco ỹachaxan ra ñi Dios yactaʼa ỹapalaxat ra nqaʼen reʼera. Autaxaỹaxan 2 Timoteo 3:1-5.

Seuenac ra ñapaxaguenaxa na lʼaqtaqa ñi Dios nache sauattonac ñi maye. Ana la Biblia ʼenaʼam aca lere ca ntaʼa soxoraic ỹamaxa ca llalacpi. Ana maye qomiʼ ỹapaxaguen ʼeetec ra huoʼo ca qantonaxac nagui taq négueʼt ca soʼotaq yaqto huoʼo ca ncaʼalaxa tateec qomchiye. ʼEesa ra sa ishet qaỹaỹamaxareeta ra anapaxaguena ana la Biblia. Qalaq sa ishet ra ʼam naueguelaʼt ra araquiqoxo, chaʼaye na nachiquiaxac ʼam iuataʼa ỹataqta ltaʼaraic. Autaxaỹaxan Mateo 5:10-12 taq Apocalipsis 14:6, 7.