PAXAGUENAXAT 15
¿Táenʼco ra auen ra queta ra anapaxagueetega aye la Biblia?
1. ¿ʼEetec ra ʼam itauan ra queta ra anapaxagueetega aye la Biblia?
Ajaʼ nache ʼeetec, ʼenauac neʼenaua lapaxaguenaxaco aye la Biblia ỹoʼot ra nquiguec ra arauoche ñi Jehová. Qalaxaye, auen ra auañaqchet ra arauoche. (1 Pedro 2:2). Ra anaquitaxac ra ncaʼalaxa iuen ra sa aualat ñi Jehová taq ra anapaxaguena ra Lʼaqtac. Autaxaỹaxan Juan 17:3 taq Judas 21.
Ra queta ra anapaxaguenaxac ñi Dios, iʼañaqchet ra arpiʼiỹaxac taq nache ʼam ỹaỹamaxareeta ñi maye (Hebreos 11:1, 6). Ra npiʼiỹaxac ỹamaq ra antogotaxachigui ye aruel taq soʼotaq ra ralaxaic ye qarataxac. Autaxaỹaxan Hechos 3:19.
2. ¿ʼEetec ra ishet ra atauan ca shiỹaxauapi?
ʼAm aushet ra aviraʼa ra ʼonaxaic anhuojnaxac qaica ca ʼenaʼam ñi Jehová
Yoqta ra aushetaique ra auaʼaxatem ca shiỹaxauapi ra mashe anapaxagueetegue, ʼenauac qomiʼ ñocopitaxa ra sanaq ca ʼonaxaic nʼaxaỹaxac. Ra nquictauec na araỹajnec aye la Biblia, auaỹaten ra auʼogoxona ye lʼaqtaqa nache ishet ra auaʼaxat ñi Jehová taq na ʼonaxaic nʼaxaỹaxacpi yaqto nʼaxaỹaxana na shiỹaxauapi. Autaxaỹaxan Romanos 10:13-15.
Ishet ra chigoqchiguiña na maiche lalamaxatpi taq anauochaxauapi. Qalaxaye, auʼoʼot ra ʼam soxoraic taq auauoʼo ca lỹa. Sa ishet ra qonapega, ra saỹaỹamaxañe ra lʼamaqtenaxac na maye, ra ataxaỹoto ra huoʼoi naua lachaxanapeco. Auennata ra arataxac ishet ra ỹoʼotec ra naueguelaʼ sa ishet na araqtaqa. Autaxaỹaxan 2 Timoteo 2:24, 25.
3. ¿Ca ʼeetec ra qanauochaxa ñi Dios?
Ra anapaxaguena aye la Biblia ỹoʼot ra iʼañaqchet ra apiʼiỹaxac taq ỹoʼot ca anauochaxaua ñi Jehová qaica ca ʼenaʼam. ʼAm ishet ra aviraʼa ra aualectaigui na lalamaxatpi ñi Dios. Autaxaỹaxan 2 Corintios 6:18.
4. ¿Négueʼt ca ʼam itauan ra anaralaxat naua arataxaco?
Sa ishet ra aualat ra anapaxagueetega na Lʼaqtac ñi Dios (Hebreos 5:13, 14). Auiaxanot na testigo de Jehová ra ʼam ỹapaxaguenec aye la Biblia. Ra nquiguec ra araỹajnec, nache nquiguec ra antonaxac ra arcaʼalaxa. Autaxaỹaxan Salmo 1:1-3 taq 73:27, 28.
Auennata ra ʼonaxaica nʼaxaỹaxaco netaigui aye la Biblia, chigoqoʼot ñi Jehová, ñi maye Dios ntoonatan taq aushet ra anquictot ñi maye ra auaʼa ra laponaxac na lamaxasoxonecpi ñi maye (Hebreos 10:24, 25). Taq ra qoqueta anañaqchet ra auʼoʼot ra ʼeetapeguec ñi Jehová aviraʼa ra anqaʼañe ra ncaʼalaxa ỹataqta ʼeesa: achaalataxac chochaq tateec. Nache ʼeetec, ra anquigot ñi Dios nache ỹataqta noʼon ye alcaʼaua. Autaxaỹaxan 1 Timoteo 1:11 taq 6:19.
Petaʼa taqaʼen ra ʼalauela
RA QOMIʼ QAỸAUATTOʼN
¿Táenʼco ra qanapaxaguena aye la Biblia?
Aye la Biblia itauaatac na ỹataqta qalota shiỹaxauapi ʼenauac ana ʼalhua ra ỹanata na nnataxacpi ỹataqta ʼenec ra achaalataxac. ¿ʼAm anshetaique ra taqaʼen anapaxaguen?
