Ñi Dios «iỹodeec ʼenauaque naua lachiʼ namayipi. Huaña, nachi sa ishit da ileu ca shiỹaxaua, qataq sa ishit da noỹiitac, huoʼotaq da nʼalaqtapiguiñi, huoʼotaq da huoʼo da nquiʼic» (Apocalipsis 21:3, 4, Dios Nvita na Shiỹaxauapi).

Ra ỹataqta saỹatenaqta ʼeesa, ra ñi Dios sa ishet ra chigoqoʼot na nqueʼejnaxacpi (Santiago 1:13).

Qomiʼ iʼañaqchet ra saỹatenaq ra ñi Dios ỹaỹateeta ra qanqueʼejnaxacpi (Zacarías 2:8).

Qomiʼ ỹanem ra qanaquitaxac ra qomchiye qaica ca huoʼo ra ỹoʼot ca qanqueʼejnaxac (Salmo 37:9-11).

Ajaʼ, lappa na huetalguete, qalaxaye ndotec ʼam sachaxanalo ye dos:

• Ñi Dios nquiʼia ra nqueʼejnaxac taq ra saỹaỹamaxañisat. Aye la Biblia ỹachaxan ʼeetec ra nomtegue ñi Jehová ra ilotaʼa ra ỹaguec ra saqaichoxoren so npueblo. Ỹoqoʼoye aye la Biblia ʼenac ra iuet ra «huaʼaqtega da nquiʼic namayipi souaxat da nachoxonnataguec» (Jueces 2:18).

  Ñi Dios saỹaỹamaxaren na shiỹaxauapi ra ỹahuoʼo ca lquiʼic ca shiỹaxaua lỹa. Ỹoqoʼoye aye la Biblia ra ʼenac ñi Dios nquiʼia ca sa ichoxoren taq ỹalauat ca shiỹaxaua lỹa (Proverbios 6:16, 17).

• Ñi Dios ʼam iqochaʼa. Naiʼctaxa ra apetaʼa ra chaqnata ʼam ʼauauatton ye ʼanqueʼejnaxac taq ʼarhuogoxo qalaxaye ñi Jehová taqaʼen qomiʼ «ỹoqochaʼalo» (1 Pedro 5:7).

  Ñi Dios roʼonataxana qome ye Lʼonataxanaxac yaqtoʼ nqatec na nqueʼejnaxac na shiỹaxauapi (Mateo 6:9, 10). Ỹoqoʼoye nagui ra iʼañaqchet na mayepi ra nmitaique ñi maye (Hechos 17:27; 2 Corintios 1:3, 4).