Mwambu Wakukumbukiya Nyifwa Yaku Yesu
Chisulu, April 12, 2025
Chaka chechosi, Akaboni aku Yehova akumbukiya nyifwa yaku Yesu mwakukoliyana ndi mo iyu wangulamuliya kuti: “Lutirizgani kuchita venivi pakundikumbuka.”—Luka 22:19.
Titikudanani kuti muzisaniriki pa mwambu wenuwu.
Mafumbu ngo Ŵanthu Afumba Kaŵikaŵi
Kumbi mwambu wenuwu uchitika kwanyengu yitali wuli?
Pafufupi ora limoza.
Kumbi mwambu wenuwu wamuchitikiya pani?
Fumbani Akaboni aku Yehova amuchigaŵa chinu kuti akukambiyeni.
Kumbi munthu wakhumbika kulipira ndalama kuti wakasanirikepu pa mwambu wenuwu?
Awa.
Kumbi kwamukuŵa mbali ya mpasku?
Awa.
Kumbi ŵanthu wo adanika ku mwambu wenuwu atenere kuvwala wuli?
Palivi malaya ngapade ngo mukhumbika kuvwala kweni Akaboni aku Yehova ayesesa kulondo ulongozgi wa mu Bayibolu ndipu avwala umampha ndipuso mwaulemu. (1 Timote 2:9) Mukhumbika kuvwala malaya ngakudula pe cha pamwenga ngo muvwala pa vakuchitika vapade.
Ntchinthu wuli cho chichitika ku Chikumbusu?
Mwambu uwu utamba ndi kumala mwakumba sumu kweniso pempheru lo liperekeka ndi yumoza wa Akaboni aku Yehova. Chigaŵa chikulu cha mwambu uwu ndi nkhani yo yilongo kukhumbika kwa nyifwa yaku Yesu kweniso mo tiyanduliya chifukwa cha vo Chiuta ndi Khristu akutichitiya.
Kuti muziŵi vinandi, wonani nkhani yakuti “Ntchifukwa Wuli Akaboni aku Yehova Achita Mwambu Wakukumbukiya Nyifwa Yaku Yesu Mwakupambana ndi Matchalitchi Nganyaki?”
Kumbi Chikumbusu Chinyaki Chazamuchitika Zuŵanji?
2025: Chisulu, 12 April
2026: Chinayi, 2 April
Mungayanja Kuŵerenga so Nkhani Izi
CHIKUMBUSU
Mukumbukiyengi Nyifwa Yaku Yesu
Titikudanani kuti muzisanirikepu pa mwambu wakukhumbika wenuwu. Mwazamusambira mo mungapinduliya ndi vo Yesu wanguchita kweniso nyifwa yaki.
ESSENTIAL BIBLE TEACHINGS
Kumbi Ntchifukwa Wuli Yesu Wangufwa?
Bayibolu lilongo kuti nyifwa yaku Yesu njakukhumbika ukongwa. Kumbi ŵanthu apinduwa wuli ndi nyifwa yaki?