M’Bayibolo, mazu ngachigiriki ngo nyengu zinyaki ngafwatulikiya kuti “tchalitchi” ngang’anamuwa nyumba yakusopiyamu cha kweni ngang’anamuwa ŵanthu wo asopa.

 Ŵanaŵaniyani chakuwoniyapu ichi: Pa nyengu yo wakutumika Paulo walembiyanga Akhristu a ku Roma, wangutumiza moni ku banja laku Akula ndi Priskila ndipu pavuli paki wangukamba kuti: “Tawuzgani tchalitchi lo liwungana munyumba yawu.” (Ŵaroma 16:5, Contemporary English Version) Yapa Paulo wang’anamuwanga kuti atawuzgi nyumba cha kweni ŵanthu wo anguwungana munyumba yawu. a

 Mwaviyo, m’malu mwakudana malu ngo tiwunganamu kuti tchalitchi, tidana kuti “Nyumba ya Ufumu.”

 Zina ili ndakwenere pa vifukwa ivi:

•   Nchitu ya Nyumba yo nkhuwunganamu.

•   Tiwungana kuti tisopi Yehova, Chiuta yo wakulemba Bayibolo, kweniso kuti tiziŵiski ŵanthu zina laki ndi kuchitiya ukaboni vakukwaskana ndi iyu.​—Sumu 83:18; Yesaya 43:12

•   Tiwungana so kuti tisambiri vakukwaskana ndi Ufumu waku Chiuta wo Yesu wawukambanga nyengu zosi.​—Mateyu 6:9, 10; 24:14; Luka 4:43.

 Mwe akulondereka ku Nyumba ya Ufumu yakufupi ndi ko muli, kuti mukajiwone mwija mo Akaboni aku Yehova achitiya maunganu ngawu.