Kumbi Munthu Wangaleka Kuja Kaboni Waku Yehova?
Hinya. Pe nthowa ziŵi zo munthu wangaleke kuja Kaboni waku Yehova.
Mwakuchita kukamba. Munthu wangalemba kalata pamwenga kukamba waka pa mulomu kuti wakhumba cha kuja Kaboni waku Yehova.
Vakuchita. Munthu wangachita vinthu vakulongo kuti wakhumba so cha kuja Kaboni waku Yehova. (1 Petro 5:9) Mwakuyeruzgiyapu, asani wasere chisopa chinyaki.—1 Yohane 2:19.
Kumbi asani munthu waleka kupharazga pamwenga kuza ku mawunganu nginu, ndikuti waleka tchalitchi linu?
Awa, ndikuti waleka cha. Kuleka tchalitchi kupambana ndi kufoka mwauzimu. Kanandi, asani munthu wawere vuli pamwenga waleka kuwungana kwa kanyengu, ving’anamuwa kuti waleka tchalitchi cha kweni watuŵa kuti wagongowa waka ndi vinthu vinyaki. M’malu mwakumuleka waka, titimupembuzga kweniso kumuwovya. (1 Ŵatesalonika 5:14; Yuda 22) Asani munthu yo wakhumba kuwovyeka, ŵara mumpingu ayesesa kumuwovya kuti wayambi so kuwungana.—Ŵagalatia 6:1; 1 Petro 5:1-3.
Kweni ŵara alivi mazaza ngakuchichiza munthu kuti walutirizi kuja Kaboni waku Yehova. Munthu weyosi watenere kusankha yija. (Yoswa 24:15) Tigomeza kuti munthu yo wakhumba kusopa Chiuta, watenere kuchita viyo kutuliya pasi pa mtima ndipuso mwakukhumba yija.—Sumu 110:3; Mateyu 22:37.
Mungayanja Kuŵerenga so Nkhani Izi
MAFUMBU NGO ŴANTHU AFUMBA KAŴIKAŴI
Kumbi Akaboni aku Yehova Akana Kucheza ndi Ŵanthu wo Ŵenga M’chisopa Chawu?
Nyengu zinyaki kusezga munthu nkhwakukhumbika, chifukwa kungawovya kuti munthu yo wawere so mumpingu.
MAFUMBU NGO BAYIBOLU LIMUKA
Kumbi Mphakwenere Kuja Muchisopa?
Kumbi munthu wangasopa Chiuta pakuyija?
MAFUMBU NGO ŴANTHU AFUMBA KAŴIKAŴI
Kumbi Ndikhumbika Kuja Kaboni Waku Yehova Asani Ndisambira Nawu Bayibolu?
Akaboni aku Yehova asambira Bayibolu ndi ŵanthu mamiliyoni nganandi pacharu chosi chapasi. Asani musambira nasi Bayibolu, kumbi mukhumbika kuja yumoza wa Akaboni aku Yehova?
VAKUKWASKANA NDI ISI
Sanirikani pa unganu
Ziŵani vakukwaskana ndi maunganu nga mpingu. Saniyani malu ngakuchitiyaku maunganu kufupi ndi ko yimwi muja.