Ntchitu yidu yakupharazga yitendeskeka ndi vakupereka vawanangwa vo Akaboni aku Yehova apereka. a Mabokosi ngavakupereka ngaŵikika pa maunganu ndipu nthowa zinyaki zikulembeka pa bokosi la Vakupereka. Pe nthowa zakupambanapambana, Ŵanthu wosi asankha ŵija kuti apereki ndalama zakulipiriya vinthu vakukwaskana ndi mpingu wawu pamwenga za ntchitu yakupharazga yo yichitika pacharu chosi. Munthu wangasankha so kupereka ndalama zakovye pa ntchitu zosi ziŵi.

 Akaboni aku Yehova alivi buku la mapanganu pamwenga vachitchumi. Weyosi wakambirika mtengu wewosi cha wakuti wapereki. (2 Akorinto 9:7) Pa maunganu ngidu tilipiriska cha, pamwenga kwendeska mbali yampasku. Ndipu Akaboni aku Yehova alonde ndalama yeyosi cha asani abatiza ŵanthu, achitiska mwambu wa maliru kweniso kuchitiska phwandu la nthengwa pamwenga vakuchitika vinyaki vakukwaskana ndi chisopa chawu. Tisaniya ndalama kuziya mukugulisa vinthu cha, mumaphwandu pamwenga muvakuchitika vinyaki ndipuso tipemphesa ndalama cha. Tizumbuwa cha mazina nga ŵanthu wo apereka ndalama. (Mateyu 6:2-4) Mawebusayiti ndipuso mabuku ngidu ngakusaniriya ndalama cha

 Mwezi ndi mwezi mpingu wewosi wa Akaboni aku Yehova uziŵiska ŵanthu a mumpingu wo, lipoti lakukonkhoska mo ndalama zagwiriskikiya ntchitu. Mpingu wewosi uwonesesa kuti ndalama zo ŵanthu apereka zigwira ntchitu mwakwenere.—2 Akorinto 8:20, 21.

•  ● Mabokosi ngavakupereka: Mungaŵika ndalama pamwenga cheki mu mabokosi ku nyumba za ufumu, kumalu nga maunganu pamwenga malu nganyaki ngengosi ngo kuchitika maunganu.

•  ● Kupereka ndalama kuziya pa intaneti: Mu vyaru vinandi, mungagwiriskiya ntchitu peji lakuti“Perekani vakupereka kwa Akaboni aku Yehova” mwakugwiriskiya ntchitu makadi nga ku banki, kutumiza ndalama ku akaunti yidu ndipuso nthowa zinyaki kuziya pa vipangizu vasonu. b Akaboni anyaki mwezi wewosi ‘aŵika pamphepeti kanthu kanyaki’ kuti aperekengi ndalama mwakugwiriskiya ntchitu nthowa yimoza mwa zenizi.—1 Akorinto 16:2.

•  ● Kunozge limu vakupereka: Nthowa zinyaki zakupereke ndalama zikhumbika kunozgeke limu pamwenga kulembesa kuboma. Nthowa yeniyi yingakuwovyani kuti mugwiriskiyi ntchitu mpata wakuti muleki kupereka msonkhu asani charu chinu chichita venivi. Nthowa yeniyi yawovya ŵanthu anandi kunozge limu ndalama pamwenga vinthu vo angapereka ŵeche ndi umoyu pamwenga asani ŵafwa. Asani mukhumba kupereka ndalama mwakugwiriskiya nthitu nthowa zo ze mumphata fumbani ku ofesi ya nthambi ya Akaboni Aku Yehova mucharu chinu:

  •  ● maakaunti nga ku banki

  •  ● inshulansi ndipuso peshoni

  •  ● malu pamwenga nyumba

  •  ● masheya

  •  ● chuma cho munthu yo wafwa wasiya

 Kuti muziŵi vinandi vakukwaskana ndi nthowa zo mungapereke ndalama muchigaŵa chinu wonani po alemba kuti “Perekani vakupereka kwa Akaboni aku Yehova.”