Gulu la Akaboni aku Yehova litumbika wanangwa wa munthu weyosi mwakukoliyana ndi fundu za m’Bayibolu. Gulu ili liziŵa kukhumbika kwa kukambisana mwakufwatuka ndi kukamba vinthu vauneneska kweniso kusunga vinthu vo mwalemba kusazgapu vinthu vinu vachisisi alinga kuti Akaboni aku Yehova avigwirisiyi ntchitu kuti afiski ntchitu yaku Chiuta ndipuso yakovya ŵanthu. Yiwu atesesa kuvikiriya vinthu vinu vachisisi. (Nthanthi 15:22; 25:9) Ndipu awona kuti nkhani yakusunga chisisi njakukhumbika ukongwa.​—Nthanthi 20:19.

Vyaru vinandi vikupanga marangu kuti ngavikiriyengi wanangwa wa ŵanthu wakusunga chisisi. Kweni gulu la Akaboni aku Yehova, likwamba kali kutumbika wanangwa wa ŵanthu ndi kuŵasungiya chisisi marangu ngenanga ngechendapangiki. Gulu la Akaboni aku Yehova lilutirizengi kuvikiriya nkhani za chisisi zo ŵanthu alemba nge mo laja lichichitiya kuvuli kosi uku.

Fundu iyi yikwaska gulu losi la Akaboni aku Yehova ndipu maofesi ngakupambanapambana pacharu chosi chapasi ndingu ngamiya gulu lenili.

Gulu la Akaboni aku Yehova ligwirisiya ntchitu vinthu vakukwaskana ndi munthu weyosi mwakulondo fundu izi:

1. Vinthu vakukwaskana ndi imwi avigwirisiyengi ntchitu umampha kweniso mwakukoliyana ndi marangu.

2. Vinthu vakukwaskana ndi imwi vitoleka ndipuso vigwirisikiya ntchitu pa vinthu vo Akaboni aku Yehova akhumbiya pe.

3. Vinthu vakukwaskana ndi imwi vijengi va uneneska pe ndipu nyengu ndi nyengu tiwonesesengi kuti mwalemba vinthu vasonu mwakukoliyana ndi mo vinthu viliri. Asani vinthu vinyaki valembeka umampha cha, gulu lisinthengi mwaliŵi asani laziŵa pe.

4. Vinthu vakukwaskana ndi imwi visungikengi kwa nyengu yo vikhumbika pe ndi gulu la Akaboni aku Yehova.

5. Gulu liyesesengi kusunga chisisi mwakukoliyana ndi nkhani yaki.

6. Gulu liyesesengi kusunga vinthu vakukwaskana ndi imwi mwachisisi kuti ŵanthu ambula kwenere pamwenga ambula kuzomerezeka ndi marangu aviwoni. Vinthu vosi vakukwaskana ndi imwi vo vikusungika mu makompyuta vivikilirika ndipu ŵanthu akuzomerezeka wo ŵe ndi mapasiwedi ndiwu angaviwona. Maofesi ngajalika asani nyengu yakugwiriya ntchitu yakwana ndipu ŵanthu akuzomerezeka pe ndiwu angaseremu.

7. Vinthu vakukwaskana ndi imwi vitumizikengi cha ku maofesi nganyaki nga nthambi pijapija asani mphakwenere kufiska vo gulu la Akaboni aku Yehova likhumba, lo Akaboni aku Yehova wosi akuzomereza ndi mtima wosi kuti ajengi kweniso aziŵikengi nge Akaboni aku Yehova.

1. Mupasikengi wanangwa wakuvikiliya vinthu vinu va chisisi kweniso wanangwa wakusintha vo vanangika pamwenga kufufuta vinthu vachisisi vakukwaskana ndi imwi mwakukoliyana ndi vo Akaboni aku Yehova achita.

2. Weyosi yo wapempha chovyu pa nkhani iyi watenere kujiziŵikisa mwakukwana.

3. Asani munthu wapempha kuti amupasi, anozgi vo vikunangika pamwenga afufuti vinthu vakukwaskana ndi iyu pamwenga va chisisi, gulu la Akaboni aku Yehova liwonengi asani mphakwenere kuchita venivi asani vilekengi kupambana ndi vo gulu likhumba, kusazgapu asani vo munthu yo wakhumba vilekengi kutimbanyizga wanangwa wawu wakusopa kweniso vo achita.

4. Gulu litesesa kusunga vinthu vakukwaskana ndi munthu kuti ndi Kaboni waku Yehova. Kufufuta vinthu venivi kungaŵa kuleka kulondo fundu zo gulu lenili litende pa vo ligomeza kweniso vo lichita.

Asani munthu wawona kuti gulu lalondo cha wanangwa waki, wangachita apilu ku Komiti ya Nthambi mwakulemba kalata. Watenere kutumiza kalata yaki ngechendajumphi masabata ngaŵi kutuliya po ivi vachitikiya.