Kalata Yachiŵi Yaku Yohane 1:1-13
1 Ini mura, ndilembe munthukazi wakusankhika kweniso ŵana ŵaki wo nditiŵayanja ukongwa. Ndini pe cha nditiŵayanja, kweni ŵanthu wosi wo aziŵa uneneska nawu atiŵayanja,
2 chifukwa cha uneneska wo ulutirizga kuja mwaku isi ndipu ujengi ndi isi mpaka muyaya.
3 Tazamulonde wezi ukulu, lisungu ndi chimangu kutuliya kwaku Chiuta, Ada, ndipuso kutuliya kwaku Yesu Khristu Mwana wa Ada, limoza ndi uneneska kweniso chanju.
4 Ndikondwa ukongwa chifukwa ndasaniya kuti anyaki mwa ŵana ŵaku atenda mu uneneska,+ nge mo tikulonde dangu kutuliya kwa Ada.
5 Mwaviyo, nditikupempha yiwi munthukazi kuti tiyanjanengi. (Nditikulembe dangu lifya cha, kweni dangu lo taja nalu kutuliya pakwamba.)+
6 Ndipu chanju ching’anamuwa kuti tilutirizgi kwenda mwakukoliyana ndi marangu.+ Nge mo mukuvwiya kutuliya pakwamba, dangu laki ndakuti, mulutirizgi kwenda mu chanju.
7 Pakuti ŵanthu anandi akunyenga asere mucharu,+ wo akana kuti Yesu Khristu wanguza mu liŵavu.+ Munthu yo wachita venivi ngwakunyenga kweniso ngwakususka Khristu.+
8 Phweriyani kuti muleki kutaya vinthu vo tavigwiriya ntchitu, kweni musaniyi mphotu yakukwana.+
9 Weyosi yo wataluriya ndipuso wajaliriya cha mu chisambizu chaku Khristu, walivi Chiuta.+ Kweni yo wajaliriya mu chisambizu ichi, we ndi Ada kweniso Mwana.+
10 Asani munthu munyaki waza kwaku yimwi ndipu waza ndi chisambizu ichi cha, mungamulondiyanga cha munyumba zinu+ pamwenga kumutawuzga.
11 Pakuti yo watimutawuzga, wagaŵana nayu ntchitu zaki ziheni.
12 Chinanga kuti nde ndi vinthu vinandi vakuti ndikulembiyeni, kweni ndakhumba cha kuti ndigwiriskiyi ntchitu pepala ndi inki. Ndigomezga kuti ndizengi kwaku yimwi ndi kuzilongoro namwi pa masu ndi pa masu, kuti likondwa linu liziŵi likulu ukongwa.
13 Ŵana a mku waku wakusankhika atikutawuzga.
