Habakuku 3:1-19
3 Pempheru laku Habakuku mchimi, la nge sumu yakumba pakuliya:
2 Yimwi Yehova, ndavwa uthenga wakukwaskana ndi yimwi.
Yimwi Yehova, ndachita mantha ndi ntchitu zinu.
Mukati mwa vyaka* muzifiski so!*
Mukati mwa vyaka* muziziŵikisi.
Kumbukani kulongo lisungu mu nyengu ya chimtimbaheka.+
3 Chiuta wangutuwa ku Temani,Mtuŵa wangutuwa mu Phiri la Parani.+ (Selah)*
Unkhankhu waki unguzaza kuchanya;+Ŵanthu wosi pacharu chapasi angumuthamika.
4 Kuŵala kwaki kwenga nge msana.+
Malazi ngaki ngaŵi ngangung’anima mujanja laki,Mo nthazi zaki zingubisika.
5 Panthazi paki payendanga mulili,+Ndipu kufunda liŵavu kungulondo kuvuli kwaki.
6 Wanguma jo ndi kusukunyisa charu.+Wati walereska, wanguchitiska kuti mitundu ya ŵanthu yindwiki.+
Mapiri ngamuyaya ngangusweka,Ndipu mitunthu yakali yingusindama.+
Nthowa zakali zaki.
7 Ndinguwona suzgu mumahema nga ku Kushani.
Salu za hema za charu cha Midiyani zingumbwambwanthiya.+
8 Yimwi Yehova kumbi mwayukiya misinji,Kweniso ukali winu wakole chifukwa cha misinji?
Pamwenga kumbi mwafyiya mtima nyanja?+
Pakuti mungukwera pamahachi nginu;+Magaleta nginu nganguthereska.*+
9 Mwatuzga uta winu ndipu mwanozgeka kuponya.
Nthonga zapaskika* ntchitu mwakuchita kulapizga.* (Selah)
Mugaŵa charu mwakugwiriskiya ntchitu misinji.
10 Mapiri ngangukulunthuka ndi urwirwi yiwi uchiwona.+
Chivuwa chingupeya pacharu.
Ndimba za maji zingukoroma ndi mazu ngaki.+
Zingusoske manja ngaki muchanya.
11 Lumwi kweniso mwezi vinguma jo muchanya.+
Mivi yinu yingutuwa nge ukweru.+
Kung’anima kwa mikondu yinu kunguŵala ukongwa.
12 Munguguba pacharu chapasi ndi ukali.
Mungukandakanda mitundu ya ŵanthu mwakukwiya.
13 Munguluta kuti mukataski ŵanthu ŵinu, kuti mukataski wakusankhika winu.
Munguswa mulongozgi* wa nyumba ya muheni.
Nyumba yo yenga pakweru kwambiya mufawundeshoni mpaka muchanya.* (Selah)
14 Mungugwaza mutu wa vinkhara vaki ndi vidya vaki*Vati vaputa nge chimphunga kuti vindimbininiski.
Yiwu angukondwa ukongwa kumeza mwachisisi munthu wakusuzgika.
15 Mungujumpha panyanja ndi mahachi nginu,Mungujumpha pamaji ngamweza wanthazi.
16 Ndinguvwa ndipu mukati mwangu mungunjekeme;*Chifukwa cha chiwawa milomu yangu yingunjekeme.
Kuvunda kungusere muviwanga vangu;+Malundi ngangu ngambwambwanthiyanga.
Kweni ndilindizga mwachisisi zuŵa la suzgu,+Pakuti lipukwa ŵanthu wo atitiyukiya.
17 Chinanga kuti chimiti cha mkuyu chingaleka kuchita maluŵa,Ndipuso vimiti va mphereska vingaŵavi vipasu;Chinanga kuti vimiti va maolivi vingatondeka kupasa,Kweniso muminda mungaŵavi chakurya;Chinanga kuti mskambu ungamala mukhola,Ndipuso mumakhola mungaŵavi ng’ombi;
18 Kweni ini ndazamusekere mbwenu mwaku Yehova;Ndazamukondwa mwaku Chiuta wa utaski wangu.+
19 Yehova, Ambuya Fumu Yikulu ndi nthazi zangu;+Wazamuchitiska kuti malundi ngangu ngaŵi nge nga mphoyuNdipuso wazamuchitiska kuti ndikandikandi pamalu ngapachanya.+
Mazu Ngam'mphata
^ Yapa pangafwatulikiya so kuti, “Mu nyengu yidu.”
^ Mazu ngaki chayingu, “muziyuski!”
^ Yapa pangafwatulikiya so kuti, “Mu nyengu yidu.”
^ Wonani Mazu ngo Ngakonkhoskeka.
^ Pamwenga kuti, “ngangutaska.”
^ Yapa pangafwatulikiya so kuti, “mivi yapaskika.”
^ Yapa pangafwatulikiya so kuti, “Kulapizga kwa mafuku kwakambika.”
^ Mazu ngaki chayingu, “mutu.”
^ Mazu ngaki chayingu, “mukhosi.”
^ Mazu ngaki chayingu, “nthonga zaki.”
^ Mazu ngaki chayingu, “ndipu lufu langu lingunjekeme.”
