Hoseya 5:1-15
-
Efurayemu ndi Yuda ayeruzgika (1-15)
5 “Vwani ivi, yimwi asembi,+Khazaniku gutu, yimwi a munyumba yaku Isirayeli,Vwisiyani, yimwi a munyumba ya fumu,Pakuti cheruzgu chikwaska yimwi;Chifukwa ndimwi chiŵana ku MizipaKweniso ndimwi chilepa cho chabenekere Tabori.+
2 Wo atuwaku kwaku ini abaya ŵanthu anandi,*Ndipu wosi nditiŵatcheŵeska.*
3 Efurayemu nditimuziŵa,Ndipu Isirayeli wabisika cha kwaku ini.
Pakuti sonu, yiwi Efurayemu wachita ureŵi;*Isirayeli wajifipiska.+
4 Vo achita vitiŵazomereza cha kuti awere kwaku Chiuta wawu,Chifukwa chakuti pakati pawu pe jalidu la uhuli;*+Ndipu atimuziŵa cha Yehova.
5 Kunyada kwaku Isirayeli kwamuchitiya ukaboni;+Isirayeli ndi Efurayemu aguŵa chifukwa cha kunanga kwawu,Ndipu Yuda nayu waguŵiya nawu limoza.+
6 Yiwu anguluta kuchipenja Yehova ndi mbereri kweniso ng’ombi zawu,Kweni angumusaniya cha.
Iyu wangutuwaku kwaku yiwu.+
7 Yiwu agomezgeka cha kwaku Yehova,+Pakuti abala ŵana achilendu.
Sonu mwezi wazakuŵameza limoza ndi vihara vawu.*
8 Mbani sengwi+ mu Gibeya, mbani mbata* mu Rama!+
Danirizani chiwawa cha nkhondu pa Beti-aveni,+ danjiyapu yiwi Benjamini!
9 Yiwi Efurayemu, wazamusambuka chinthu chakuchitiska mantha mu zuŵa la chilangu.+
Ndaziŵisa mafuku ngaku Isirayeli vo vazamuchitika.
10 Alongozgi a ku Yuda ŵe nge ŵanthu wo andereza mphaka.+
Ndazakuŵapunguliya ukali wangu nge maji.
11 Efurayemu wakandirizgika, wapwetekeka ndi cheruzgu,Pakuti wangusimikiza mtima kulondo murwani waki.+
12 Mwaviyo, ndenga nge nyenji* kwaku EfurayemuNdipuso ndenga nge chinthu chakuvunda ku nyumba ya ku Yuda.
13 Efurayemu wati wawona kuti watama, ndipu Yuda wati wawona kuti we ndi chilonda,Efurayemu wanguluta kucharu cha Asiriya+ ndipuso wangutuma uthenga ku fumu yikulu.
Kweni yingutondeka kukuchizgani,Ndipu yingupozga cha chilonda chinu.
14 Pakuti ndijengi nge nkharamu yimana* kwaku Efurayemu,Ndipu ku nyumba yaku Yuda ndijengi nge nkharamu yanthazi.
Pakuti ndazakuŵapaluwa ndi kuluta;+Ndazamuluta nawu kutali ndipu palivi yo wazakuŵataska.+
15 Ndazamuluta ndi kuwere kumalu ngangu mpaka po alangikiya chifukwa cha kunanga kwawu,Ndipu pavuli paki, azakundipenja kuti ndiŵachitiyi lisungu.*+
Azakundipenja asani azikumana ndi masuzgu.”+
Mazu Ngam'mphata
^ Pamwenga kuti, “atangwanika ndi kubaya ŵanthu.”
^ Pamwenga kuti, “nditiŵachenya.”
^ Pamwenga kuti, “uhuli.”
^ Pamwenga kuti, “ureŵi.”
^ Pamwenga kuti, “ndi minda yawu.” Yapa pangafwatulikiya so kuti, “Sonu yiwu limoza ndi vihara vawu azamumezeka mu mwezi umoza.”
^ Anyaki akamba kuti “lipenga.”
^ Mazu ngo ngafwatulikiya kuti nyenji ngang’anamuwa kachidononu kakuphululuka ko katurya vakuvwala.
^ Pamwenga kuti, “nkharamu yimana yanthazi.”
^ Mazu ngaki chayingu, “azamupenja chisku changu.”
