Masalimo 16:1-11
Mikitamu* yaku Davidi.
16 Ndivikiliyeni yimwi Chiuta, pakuti ini ndabisama mwaku yimwi.+
2 Yehova ndamukambiya kuti: “Yimwi ndimwi Yehova, Chisimi changu cha vinthu vamampha.
3 Kweniso akupaturika mucharu,Ŵanthu wo mbakuzirwa, atindichitiska kuti ndikondwengi ukongwa.”+
4 Ŵanthu wo apenja achiuta anyaki, atijiwunjikiya masuzgu.+
Ndazamupunguwapu cha sembi yawu ya chakumwa ya ndopa,Ndipu milomu yangu yazamuzumbuwapu cha mazina ngawu.+
5 Yehova ndiyu chigaŵa changu, chigaŵa cho ndapaskika+ kweniso kapu yangu.+
Muvikiliya chihara changu.
6 Ndapimikiya malu ngakukondwesa.
Hinya, ndakhorwa ndi chihara changu.+
7 Ndithamikengi Yehova yo watindipaska ulongozgi.+
Chinanga mbusiku, maŵanaŵanu nga mukati mwangu ngandichenyengi.*+
8 Ndiŵika Yehova panthazi pangu nyengu zosi.+
Ndisukunyikengi* cha chifukwa iyu we kujanja langu lamaryi.+
9 Mwaviyo, mtima wangu ukondwa, ndipuso ini ndisekere* ukongwa.
Kweniso ndija* mwakuvikilirika.
10 Pakuti mwazakundisiya* mu Dindi* cha.+
Mwazamuzomereza cha kuti wakugomezgeka winu wawoni zenji.*+
11 Mutindiziŵisa nthowa ya umoyu.+
Ndipu ndija ndi likondwa likulu pa masu pinu;*+Ku janja linu lamaryi kwe likondwa mpaka muyaya.
Mazu Ngam'mphata
^ Wonani Mazu ngo Ngakonkhoskeka.
^ Pamwenga kuti, “maŵanaŵanu ngangu ngandimba.” Mazu ngaki chayingu, “sana zangu zindichenyengi.”
^ Pamwenga kuti, “ndichitengi mbendyambendya.”
^ Mazu ngaki chayingu, “unkhankhu wangu usekere.”
^ Pamwenga kuti, “mnofu wangu uja.”
^ Pamwenga kuti, “umoyu wangu mwazakuwujowo.”
^ Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
^ Yapa pangafwatulikiya so kuti, “wavundi.”
^ Mazu ngaki chayingu, “ndi chisku chinu.”
