Masalimo 24:1-10
-
Fumu yaunkhankhu yisere pamageti
-
‘Charu chapasi ntchaku Yehova’ (1)
-
Sumu yaku Davidi.
24 Charu ndi vinthu vosi vo ve mwenimo vaku Yehova,+Charu kweniso wosi wo ajamu vaki.
2 Pakuti charu chapasi wakuchijalikiska mwakukho pachanya pa nyanja+Ndipu wakuchijalikiska mwakukho pachanya pa misinji.
3 Ndiyani yo wangakwere kuphiri laku Yehova,+Ndipu ndiyani yo wangama mumalu ngaki ngakupaturika?
4 Weyosi yo we ndi manja ngambula mulandu kweniso mtima wakutowa,+Yo wakulapizgapu cha vaboza mwakuzumbuwa umoyu Wangu,*Pamwenga kulapizga mwachinyengu.+
5 Iyu wazamulonde vitumbiku kutuliya kwaku Yehova+Ndipuso urunji kutuliya kwaku Chiuta waki wa utaski.+
6 Uwu ndiwu mugonezi wa ŵanthu wo atimupenja,Wa ŵanthu wo apenja chisku chinu yimwi Chiuta waku Yakobe. (Selah)
7 Yunuskani mitu yinu yimwi mageti;+Julikani* yimwi makhomu ngakali,Kuti Fumu yaunkhankhu yisere!+
8 Kumbi Fumu yaunkhankhu yeniyi ndiyani?
Yehova, wanthazi kweniso chinkhara,+Yehova, chinkhara pa nkhondu.+
9 Yunuskani mitu yinu yimwi mageti;+Julikani yimwi makhomu ngakali,Kuti Fumu yaunkhankhu yisere!
10 Kumbi Fumu yaunkhankhu yeniyi ndiyani?
Yehova wa mizinda ndiyu Fumu yaunkhankhu.+ (Selah)
Mazu Ngam'mphata
^ Kung’anamuwa umoyu waku Yehova wo munthu walapizgiyapu.
^ Pamwenga kuti, “Sokani.”
