Masalimo 34:1-22
Sumu yaku Davidi, pa nyengu yo wangujisintha ndi kwamba kuchita vinthu nge wakufuntha+ pa masu paku Abimeleki yo wangumudikisa. Pavuli paki Davidi wangutuwapu.
א [Aleph]
34 Ndithamikengi Yehova nyengu zosi;Pamilomu yangu pajengi sumu zakumuthamika nyengu zosi.
ב [Beth]
2 Ndijiŵikengemu chifukwa chaku Yehova;+Ŵanthu akufwasa avwengi ndipu akondwengi.
ג [Gimel]
3 Kuzgani Yehova limoza ndi ini;+Tiyeni pamoza tikwezi zina laki.
ד [Daleth]
4 Ndingufumba kwaku Yehova ndipu wangundimuka.+
Iyu wangunditaska ku vinthu vosi vo ndawopanga.+
ה [He]
5 Wo alereskanga kwaku iyu anguŵala;Visku vawu vingulengeseka cha.
ז [Zayin]
6 Munthu wakusika uyu wangudana, ndipu Yehova wanguvwa.
Iyu wangumutaska ku masuzgu ngaki ngosi.+
ח [Heth]
7 Mungelu waku Yehova wajintha msasa mwakuzunguliya ŵanthu wosi wo atopa Chiuta,+Ndipu watiŵataska.+
ט [Teth]
8 Laŵani, ndipu muwonengi kuti Yehova ngwamampha;+Ngwakukondwa munthu yo wabisama mwaku iyu.
י [Yod]
9 Wopani Yehova yimwi ŵanthu ŵaki wosi akupaturika,Pakuti ŵanthu wo atimuwopa, asoŵa kekosi cha.+
כ [Kaph]
10 Chinanga ndi nkharamu zimanazimana zanthazi, zisuzgika ndi nja,Kweni ŵanthu wo apenja Yehova asoŵengi kanthu kekosi cha kamampha.+
ל [Lamed]
11 Zani mwaŵana ŵangu ndipu vwani vo ndikambengi;Ndikusambizeningi kopa Yehova.+
מ [Mem]
12 Kumbi ndiyani pakati pinu yo wakondwa ndi umoyuNdipu wangayanja kuwona mazuŵa nganandi ngamampha?+
נ [Nun]
13 Asani ndi viyo, vikiliya lilimi laku ku vinthu viheni,+Kweniso milomu yaku kuti yileki kulongoro vinthu vachinyengu.+
ס [Samekh]
14 Tuwaku ku chinthu chiheni ndipu chita chamampha;+Penja chimangu ndipu uchilondo.+
ע [Ayin]
15 Masu ngaku Yehova nge pa ŵanthu arunji,+Ndipu makutu ngaki ngatuvwa kuliya kwawu kwakupempha chovyu.+
פ [Pe]
16 Kweni chisku chaku Yehova chisuskana ndi wosi wo achita vinthu viheni,Kuti wafufuti chechosi cho ŵanthu angaŵakumbuka nachu pacharu chapasi.+
צ [Tsade]
17 Ŵanthu arunji anguliya, ndipu Yehova wanguvwa;+Iyu wanguŵataska ku masuzgu ngawu ngosi.+
ק [Qoph]
18 Yehova we pafupi ndi wo asweka mtima;+Iyu wataska wo mzimu wawu watekenyeka.*+
ר [Resh]
19 Masuzgu* nga munthu murunji ngalipu nganandi,+Kweni Yehova watimutaska ku masuzgu ngosi ngenanga.+
ש [Shin]
20 Iyu wavikiliya viwanga vaki vosi;Palivi chinanga ntchimoza cho chafyoka.+
ת [Taw]
21 Soka libayengi munthu muheni;Ndipu wo atinkha munthu murunji asanirikengi ndi mulandu.
22 Yehova wawombo maumoyu nga ateŵeti ŵaki;Palivi chinanga njumoza mwaku wo abisama mwaku iyu, yo wasanirikengi ndi mulandu.+
