Masalimo 46:1-11
Kwaku yo walongozga sumu. Sumu ya ŵana aku Kora.+ Yimbiki mwakukoliyana ndi kambiru ka Alamoti.*
46 Chiuta ndi malu ngidu ngakuthaŵiyaku kweniso nthazi zidu,+Chovyu chakusanirikiya limu pa nyengu ya masuzgu.+
2 Ndichu chifukwa chaki tiwopengi cha, chinanga charu chingasintha,Chinanga mapiri ngangalindimukiya mundimba ya nyanja,+
3 Chinanga maji ngaki ngangakoroma ndi kuchita phovu,+Chinanga mapiri ngangasukunyika chifukwa cha kuŵinduka kwa nyanja. (Selah)
4 Pe msinji wo timisinji taki timanatimana tichitiska kuti tawuni yaku Chiuta yikondwi,+Chihema chikulu cha Wapachanya Limu.
5 Chiuta we mutawuni iyi;+ palivi yo wangayithereska.
Pakuti Chiuta wayivikiliyengi chakumatandakucha.+
6 Mitundu yingutimbanyizgika, ndipu maufumu nganguthereskeka;Iyu wangukweza mazu ngaki, ndipu charu chingusongonoka.+
7 Yehova wa mizinda we nasi;+Chiuta waku Yakobe ndi malu ngidu ngakuthaŵiyaku ngakuvikilirika.* (Selah)
8 Zani muziwoni ntchitu zaku Yehova,Muziwoni mo wachitiya vinthu vakuziziswa pacharu chapasi.
9 Iyu wamalisa nkhondu pacharu chosi chapasi.+
Wafyo uta ndi kuvikita mkondu;Kweniso watotcha magaleta ngankhondu* ndi motu.
10 “Zomerezani, ndipu muziŵi kuti ini ndini Chiuta.
Ndikwezekengi pakati pa mitundu ya ŵanthu;+Ndikwezekengi pacharu chapasi.”+
11 Yehova wa mizinda we nasi;+Chiuta waku Yakobe ndi malu ngidu ngakuthaŵiyaku ngakuvikilirika.+ (Selah)
Mazu Ngam'mphata
^ Wonani Mazu ngo Ngakonkhoskeka.
^ Pamwenga kuti, “malu ngangu ngapachanya ngakuvikilirika.”
^ Yapa pangafwatulikiya so kuti, “vishangu.”
