Masalimo 68:1-35
Kwaku yo walongozga sumu. Salimo laku Davidi. Sumu.
68 Chiuta wasoki, arwani ŵaki ambininiki,Ndipu wo atimutinkha athaŵi pa masu paki.+
2 Nge mo josi liputiya kutali, muŵadikisiyi kutali;Nge mo phula lisongonoke pamotu,Ŵanthu aheni nawu asoŵi pa masu paku Chiuta.+
3 Kweni arunji akondwi;+Yiwu asekere ukongwa pa masu paku Chiuta;Yiwu akondwi ndi kusekere.
4 Mbiyani Chiuta; mbani sumu zakuthamika* zina laki.+
Mbiyani Yo watenda muvidika va muchipululu.*
Ya* ndilu zina laki!+ Kondwani pa masu paki!
5 Iyu ndi wisi wa mwana wambula awisi kweniso wavikiliya* vyoko+Iyu ndi Chiuta mumalu ngaki ngakupaturika ngo wajaku.+
6 Ŵanthu wo ŵe ŵija, Chiuta watiŵapaska nyumba yakuti ajengemu;+Akayidi watiŵafwatuwa kuti vinthu viŵayende umampha.+
Kweni ŵanthu amtafu* ajengi mucharu chakumira.+
7 Yimwi Chiuta, muchilongozga* ŵanthu ŵinu,+Muchiyenda muchipululu, (Selah)
8 Charu chingusukunyika;+Kuchanya kungupunguka vuwa* chifukwa chaku Chiuta;Phiri la Sinayi lingusukunyika chifukwa chaku Chiuta, Chiuta waku Isirayeli.+
9 Yimwi Chiuta, munguchitiska kuti kuwi vuwa yinandi;Mungupaska nthazi ŵanthu ŵinu wo anguvuka.*
10 Yiwu ajanga mumahema nginu;+Yimwi Chiuta, chifukwa cha umampha winu mungupaska akavu vo akhumbikanga.
11 Yehova walamula;Anthukazi wo apharazga uthenga wamampha ndi mzinda ukulu.+
12 Mafumu nga magulu nga asilikali ngathaŵa,+ ngathaŵa nadi!
Kweni munthukazi yo walutirizga kuja pakhomu, nayu walondiyaku vo aphanga.+
13 Chinanga kuti mwaŵanthu yimwi mwagonanga mumphepeti mwa motu mumsasa,*Mulondiyengi mapapa nga nkhunda ngakupakika siliva,Limoza ndi vingwi va golidi wamampha.*
14 Wanthazizosi wati wambininiska mafumu ngaki,+Ku Zalimoni, kunguwa sinoo.*
15 Phiri la Bashani+ ndi phiri laku Chiuta;*Phiri la Bashani ndi phiri lamitunthu.
16 Ntchifukwa wuli mutililereska mwasanji, yimwi mapiri ngamitunthu,Phiri lo Chiuta wasankha* kuti iyu wajengeku?+
Hinya, Yehova wajengi kweniko mpaka muyaya.+
17 Magaleta ngankhondu ngaku Chiuta ngalipu masawuzandi nganandi, kweniso masawuzandimasawuzandi.+
Yehova waza kumalu ngakupaturika kutuwa ku Sinayi.+
18 Yimwi mwakwera kuchanya;+Mwako ŵanthu ukapolu;Mwapinga anthulumi kuja nge mphasu,+Hinya, chinanga mbanthu amtafu,+ kuti muje pakati pawu, yimwi Ya Chiuta.
19 Yehova wathamikiki, mweniyo zuŵa lelosi watitinyamuliya katundu widu,+Chiuta wauneneska wa utaski widu. (Selah)
20 Chiuta wauneneska, kwaku isi ndi Chiuta yo wataska;+Ndipu Yehova Ambuya Fumu Yikulu watititaska ku nyifwa.+
21 Hinya, Chiuta wazamuphwanya mitu ya arwani ŵaki,Wazamuphwanya liwombu la munthu weyosi yo walutirizga kuchita* vinthu viheni.+
22 Yehova wakamba kuti: “Ndiŵawezengeku ku Bashani;+Ndiŵawezengeku kundimba ya nyanja,
23 Kuti phazi laku libiri mundopa+Kweniso kuti lilimi la agalu ŵaku lisaniyepu chigaŵa pa arwani.”
24 Yiwu awona mo mutende, yimwi Chiuta,Mo watende Chiuta wangu, Fumu yangu pakuluta mumalu ngakupaturika.+
25 Ŵanthu wo atumba sumu atenda panthazi, ndipu anyaki wo atumba vakumbiya va vingwi atuza muvuli mwawu;+Pakati pawu pe asungwana wo atumba ting’oma.+
26 Mu mpingu ukulu,* thamikani Chiuta,Thamikani Yehova yimwi mutuliya ku Kasupi waku Isirayeli.+
27 Kweniko Benjamini+ yo ndi mumana ukongwa watiŵathereska,Kweniso alongozgi aku Yuda ndi chigulu chawu cho chichita chiwawa,Alongozgi aku Zebuloni, ndipuso alongozgi aku Nafutali.
28 Chiuta waku walamula kuti ujengi ndi nthazi.
Longoni nthazi zinu yimwi Chiuta, yimwi mwachitapu kanthu mumalu mwaku isi.+
29 Chifukwa cha nyumba yinu yakusopiyamu yo ye ku Yerusalemu,+Mafumu ngazengi ndi mphasu kwaku yimwi.+
30 Chenyani vinyama vamudondu vo vija mumateti,Chigulu cha ng’ombi zinthulumi+ ndi matholi* ngaki,Mpaka po ŵanthu aziya ndi siliva achijikama.*
Kweni iyu wambininiska ŵanthu wo akondwa ndi nkhondu.
31 Vinthu vamkuŵa wakusazgana ndi chisulu, vizengi* kutuliya ku Ijipiti;+Kushi wazengi liŵi kuti wazipereki mphasu kwaku Chiuta.
32 Yimwi maufumu nga pacharu chapasi, mbiyani Chiuta,+Mbani sumu zakuthamika* Yehova. (Selah)
33 Kwaku yo watenda kuchanya kwa kuchanya ko kukuŵaku kali.+
Awonani! Iyu wagululusa ndi mazu ngaki, mazu ngaki nganthazi.
34 Ziŵani nthazi zaku Chiuta.+
Nthazi zaki ze paku Isirayeli,Ndipu nthazi zaki ze mude.*
35 Chiuta ngwakuchitiska mantha kutuliya kumalu ngaki* ngakupaturika.+
Iyu ndi Chiuta waku Isirayeli,Mweniyo wapereka nthazi ndi mazaza ku ŵanthu.+
Thamikani Chiuta.
Mazu Ngam'mphata
^ Pamwenga kuti, “pangiyani sumu.”
^ Yapa pangafwatulikiya so kuti, “watenda pamitambu.”
^ “Ya” ndi mazu ngakudumuwa nga zina lakuti Yehova.
^ Mazu ngaki chayingu, “wakweruzga wa.”
^ Pamwenga kuti, “akugaruka.”
^ Mazu ngaki chayingu, “muchiyenda panthazi pa.”
^ Mazu ngaki chayingu, “kungunthonya.”
^ Mazu ngaki chayingu, “chihara chinu.”
^ Yapa pangafwatulikiya so kuti, “makhola nga mbereri.”
^ Pamwenga kuti, “golidi wantcheti.”
^ Pamwenga kuti, “Venga nge kuti ku Zalimoni kwawa sinoo.” Sinoo ndi maji ngakukhoma ngo ngawoneka tuu nge mche wakusilirika ndipu ngatuwa kutuliya kuchanya.
^ Pamwenga kuti, “phiri likulu.”
^ Pamwenga kuti, “wakhumba.”
^ Pamwenga kuti, “yo watendatenda mu.”
^ Mazu ngaki chayingu, “Mu maunganu.”
^ Matholi mbana a ng’ombi.
^ Yapa pangafwatulikiya so kuti, “aziya ndi siliva mwamdinu.”
^ Yapa pangafwatulikiya so kuti, “Akazembi azengi.”
^ Pamwenga kuti, “Mupangiyeni sumu.”
^ Mazu ngaki chayingu, “ze mumitambu.”
^ Mazu ngaki chayingu, “nginu.”
