Nthanthi 13:1-25
13 Mwana wazeru wavwiya ulongozgi wa awisi,+
Kweni wakunyoza wavwiya cha asani atimuchenya.*+
2 Munthu waryengi vamampha kutuliya mu chipasu cha mazu ngaki,*+Kweni munthu muryarya wakhumba viwawa.
3 Munthu yo wavikiliya mulomu waki,* wavikiliya umoyu waki,+Kweni yo wayasama mulomu waki waparanyikengi.+
4 Munthu mulesi wakhumbira vinthu po walivi chechosi,+Kweni munthu waphamphu wagutengi.*+
5 Munthu murunji watinkha maboza,+Kweni vo munthu muheni wachita vidana soni ndipuso vilengesa.
6 Urunji uvikiliya ŵanthu ambula kunanga,+Kweni uheni uchitiska kuti munthu wakubuda wawi.
7 Pe munthu yo wachita vinthu nge kuti ngwakukhupuka, uku walivi chechosi;+Pe so munthu munyaki yo wachita vinthu nge ndi mukavu, uku we ndi chuma chinandi.
8 Chuma chiwombo umoyu wa munthu,+Kweni akavu awofyezeka cha.*+
9 Ukweru wa munthu murunji uŵalengi ukongwa,*+Kweni nyali ya munthu muheni yizimwisikengi.+
10 Kujikuzga kutambisa mphindanu,+Kweni zeru ze ndi ŵanthu wo apenja ulongozgi.*+
11 Chuma chakusanirika mwaliŵiliŵi* chimalengi,+Kweni chuma cha munthu yo wawunjika kamanakamana* chiŵengi chinandi.
12 Asani vo ukhaza* viswera kufiskika, vitamisa mtima,+Kweni asani vo wakhumbanga vafiskika, ntchimiti cha umoyu.+
13 Weyosi yo wayuyuwa ulongozgi,* walangikengi,+Kweni weyosi yo watumbika dangu, walondiyengi mphotu.+
14 Chisambizu cha* munthu wazeru ntchisimi cha umoyu+Kuti munthu waweku ku chiŵana cha nyifwa.
15 Munthu yo waziŵa vinthu umampha walongoreka lisungu,Kweni nthowa ya munthu muryarya mbukali.
16 Munthu wakuchenje wachita vinthu mwakulongo kuti wativiziŵa,+Kweni muzereza walongo uzereza waki.+
17 Muthenga muheni wawiya mu suzgu,+Kweni nthumi yakugomezgeka yichizga.+
18 Yo waziŵaniza ulongozgi wakavuka kweniso walengeseka,Kweni yo wazomera kuchenyeka wakankhuskikengi.+
19 Asani vo munthu wakhumbanga vafiskika, watuvwa umampha,+Kweni munthu wakupusa watinkha kuweku ku uheni.+
20 Munthu yo watenda ndi ŵanthu azeru wajengi wazeru,+Kweni yo wachitiya limoza vinthu ndi ŵanthu akupusa wapwetekekengi.+
21 Soka lilondo akubuda,+Kweni ŵanthu arunji, vinthu viŵayendiyengi umampha.+
22 Munthu wamampha wasiliya chihara azuku ŵaki,Kweni chuma cha munthu wakubuda chisungikiya munthu murunji.+
23 Munda wo munthu mukavu walima utuzga chakurya chinandi,Kweni chingapeyeka* chifukwa cha vinthu vambula urunji.
24 Munthu yo wakhumba cha kuthyapuwa* mwana waki watimutinkha,+Kweni yo watimuyanja watesesa kumuchenya.*+
25 Munthu murunji waturya ndipu waguta,+Kweni lufu la munthu muheni lija ndi nja.+
Mazu Ngam'mphata
^ Pamwenga kuti, “atimunyolo.”
^ Mazu ngaki chayingu, “mulomu waki.”
^ Pamwenga kuti, “vo wakamba.”
^ Mazu ngaki chayingu, “watutuŵengi.”
^ Mazu ngaki chayingu, “atuvwa mazu ngakuchenya cha.”
^ Mazu ngaki chayingu, “ukondwengi.”
^ Pamwenga kuti, “wo akambiskana.”
^ Pamwenga kuti, “Chuma cha ŵanthu akujikuzga.”
^ Mazu ngaki chayingu, “yo wawunjika ndi janja.”
^ Pamwenga kuti, “ulindizga.”
^ Pamwenga kuti, “mazu.”
^ Pamwenga kuti, “Dangu la.”
^ Pamwenga kuti, “wangapeyeka.”
^ Pamwenga kuti, “kuchenya; kulanga.”
^ Yapa pangafwatulikiya so kuti, “watimuchenya mwaliŵiliŵi.”
