Nthanthi 23:1-35
23 Asani waja pasi kuti uryiyi limoza ndi fumu,Uwonesesengi ukongwa mo vinthu viliri;
2 Ŵika chimayi pakhosi laku*Asani we ndi nja ukongwa.*
3 Ungavikhumbiranga cha vakurya vaki vakununa,Pakuti ntchakurya chachinyengu.
4 Ungajivukisanga ndi ntchitu cha kuti usaniyi chuma.+
Leka, ndipu longo kuti uvwisa vinthu.*
5 Asani utichilereseska ndi masu ngaku, chisanirikengi kuti palivi,+Pakuti chimengi mapapa nge nombu, ndipu chiphululukiyengi kumitambu.+
6 Ungaryanga chakurya cha munthu muskoli cha;*Ungavikhumbiranga cha vakurya vaki vakununa,
7 Pakuti iyu we nge munthu yo waŵerengese.Iyu watikukambiya kuti, “Yirya ndi kumwa,” uku wang’anamuwa venivo cha.*
8 Uwukuwengi chakurya cho waryaNdipu mazu ngakuwonga ngo ungukamba ngalutengi paŵaka.
9 Ungalongoloriyanga mumakutu nga munthu muzereza cha,+Pakuti iyu wanyozengi zeru za mazu ngaku.+
10 Unganderezanga cha chikhomu chakali chakulongo mphaka+Pamwenga kuselere mumunda mwa mwana wambula awisi.
11 Pakuti yo watiŵamiya* ngwanthazi;Iyu waŵamiyengi pa mulandu wawu wakususkana ndi yiwi.+
12 Ŵikapu mtima waku pa ulongozgiNdipuso gutu laku pa mazu ngazeru.
13 Ungatondekanga cha kulanga mnyamata.*+
Asani wamukhwechuwa ndi likhwechu, wafwengi cha.
14 Umukhwechuwi ndi likhwechu,Kuti umutaski ku Dindi.*
15 Wamwana wangu, asani mtima waku ujengi wazeru,Mtima wangu usekeriyengi.+
16 Ndikondwengi mukati mwangu*Asani milomu yaku yilongoro cho ntchakunyoloka.
17 Mtima waku ungachitiyanga sanji ŵanthu akubuda cha,+Kweni uwopengi Yehova zuŵa losi lamphumphu,+
18 Asani wachita venivi, vinthu vikuyendiyengi umampha kunthazi+Ndipu chilindizga chaku chidumulikengi cha.
19 Wamwana wangu, vwisiya ndipu uje wazeru,Kweniso ulongozgi mtima waku munthowa yakwenere.
20 Ungajanga pakati pa ŵanthu wo atumwa ukongwa vinyu cha,+Kweniso pakati pa ŵanthu wo aturya nyama mwakutotoka.+
21 Pakuti aloŵevu kweniso ankharyi akavukengi,+Ndipu kusiwa kuvwalikengi munthu malizwazwa.
22 Vwiya awusu wo akukubala,Ndipu ungaŵayuyuwanga cha anyoku chifukwa chakuti akota.+
23 Gula* uneneska ndipu ungawugulisanga cha,+Gula so zeru, ulongozgi ndi kuvwisa vinthu.+
24 Awisi a munthu murunji asekeriyengi;Weyosi yo wakubala mwana wazeru wakondwengi chifukwa chaku iyu.
25 Awusu ndi anyoku akondwengi,Ndipu munthukazi yo wakukubala wasekeriyengi.
26 Wamwana wangu, ndipaski mtima waku,Ndipu masu ngaku ngakondwi ndi nthowa zangu.+
27 Pakuti huli le nge zenji litali,Ndipu munthukazi wankharu yabwekabweka* ntchisimi chifinyi.+
28 Iyu wabisamiya ŵanthu nge munkhungu;+Ndipu wasazgiyaku chiŵerengeru cha anthulumi ambula kugomezgeka.
29 Ndiyani yo we ndi soka? Ndiyani yo we ndi masuzgu?
Ndiyani yo we ndi mphindanu? Ndiyani yo wadandawula?
Ndiyani yo we ndi vilonda kwambula chifukwa? Ndiyani yo we ndi masu ngakutchesama?*
30 Mbanthu wo aja nyengu yitali pa vinyu;+Wo apenjapenja* vinyu wakusazga.
31 Ungamulereskanga cha vinyu po wawoneka muyeraPo wagabuka mukapu kweniso po wasikiya kukhosi umamphaumampha,
32 Pakuti pakumaliya waluma nge njoka,Ndipu watuzga poyizoni nge chipi.
33 Masu ngaku ngawonengi vinthu vachilendu,Ndipu mtima waku ulongorongi vinthu viheni.+
34 Ujengi nge munthu yo wagona pakati pa nyanja,Nge munthu yo wagona pasongu ya mlongoti wa sitima.
35 Ukambengi kuti: “Andiwomba kweni ndavwapu cha.Andipuma kweni ndaziŵaku kekosi cha.
Kumbi ndiyukengi nyengu wuli?+
Ndikhumba nkhamwepu so.”*
Mazu Ngam'mphata
^ Pamwenga kuti, “Jikanizgi.”
^ Pamwenga kuti, “Asani ukhumbira ukongwa.”
^ Yapa pangafwatulikiya so kuti, “Leka kuchita vinthu mwakulondo zeru zaku.”
^ Pamwenga kuti, “cha munthu weyosi yo we ndi jisu liheni.”
^ Mazu ngaki chayingu, “mtima waki we limoza ndi yiwi cha.”
^ Mazu ngaki chayingu, “watiŵawombo.”
^ Pamwenga kuti, “mwana; wachinyamata.”
^ Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
^ Mazu ngaki chayingu, “Sana zangu zikondwengi.”
^ Pamwenga kuti, “Saniya.”
^ Pamwenga kuti, “ngakusiwiliya?”
^ Pamwenga kuti, “Wo awungana kuti ayesi.”
^ Pamwenga kuti, “kuchimupenja so.”
