Yeremiya 13:1-27
13 Yehova wangundikambiya kuti: “Luta, ukaguli lamba wasalu ndipu ukamumangi muchiwunu chaku, kweni ungachimubizganga mumaji cha.”
2 Mwaviyo, ndingugula lamba mwakukoliyana ndi mazu ngaku Yehova ndipu ndingumumanga muchiwunu changu.
3 Ndipu mazu ngaku Yehova nganguza so kwaku ini kachiŵi, kuti:
4 “Uto lamba yo ukugula, mweniyo wavwala, soka ndi kuluta kumsinji wa Yufureti, ndipu ukamubisi kweniko mumphaku ya jalawi.”
5 Mwaviyo ndinguluta ndipu ndinguchimubisa mumphepeti mwa msinji wa Yufureti, nge mo Yehova wangundilamuliya.
6 Kweni pati pajumpha mazuŵa nganandi, Yehova wangundikambiya kuti: “Soka, luta kumsinji wa Yufureti, ndipu ukato lamba yo ndingukulamula kuti ukamubisi kweniko.”
7 Mwaviyo, ndinguluta kumsinji wa Yufureti, ndingufukuwa lamba yo, ndingumuto po ndingumubisa ndipu ndinguwona kuti wanangika; wenga wakuti wangagwira ntchitu so cha.
8 Pavuli paki, Yehova wangulongoro nani ndipu wangukamba kuti:
9 “Yehova wakamba kuti, ‘Viyo ndimu ndazamunangiya kujikuzga kwa ŵanthu a ku Yuda kweniso kujikuzga kukulu kwa ŵanthu a ku Yerusalemu.+
10 Ŵanthu aheni ŵenaŵa wo akana kuvwiya mazu ngangu,+ wo achita mtafu ndi kulondo mtima wawu,+ ndipuso wo alondo achiuta anyaki, kuŵateŵete ndi kuŵasindamiya, azamuja nge lamba mwenuyu yo wangagwira ntchitu so cha.’
11 ‘Pakuti nge mo lamba wakhole muchiwunu cha munthu, ndimu so ndinguchitiskiya kuti a munyumba yosi yaku Isirayeli kweniso a munyumba yosi yaku Yuda ademetere kwaku ini,’ Yehova ndiyu wakamba, ‘kuti aje ŵanthu ŵangu,+ kuti ndiziŵikengi,+ kuti andithamikengi kweniso kuti aje chinthu chakutowa kwaku ini. Kweni anguvwiya cha.’+
12 “Ndipu ukaŵakambiyi so uthenga wakuti, ‘Yehova, Chiuta waku Isirayeli wakamba kuti: “Zazani vinyu mumsuku wewosi ukulu.”’ Ndipu yiwu akukumuka kuti, ‘Kumbi isi tileka kuziŵa kuti titenere kuzaza vinyu mumsuku wewosi ukulu?’
13 Pavuli paki ukaŵakambiyi kuti, ‘Yehova wakamba kuti: “Ndiloŵeresengi ŵanthu wosi akuja mucharu ichi,+ mafumu ngo ngaja pampandu waufumu waku Davidi, asembi, achimi kweniso ŵanthu wosi wo aja mu Yerusalemu.
14 Ndipu ndazamuchitiska kuti munthu weyosi wabwanyani ndi munyaki, ada ndi ŵana viyo,” Yehova ndiyu wakamba.+ “Ndazakuŵalongo wezi cha, ndazakuŵachitiya chitima cha kweniso ndazakuŵalenge lisungu cha; palivi cho chazamuchitiska kuti ndileki kuŵananga.”’+
15 Vwani ndi kuŵikaku maŵanaŵanu.
Mungajikuzganga cha, pakuti Yehova walongoro.
16 Perekani unkhankhu kwaku Yehova Chiuta winuWechendachitiski kuti kuŵi mdimaNdipuso phazi linu lechendaguŵi pamapiri mdima uchiyamba.
Mwazamulindizga ukweru,Kweni iyu wazakukupaskani mdima;Wazamuchitiska kuti ukweru usambuki mdima ukulu.+
17 Ndipu asani mukana kuvwisiya,Ndiliyengi kwakundija chifukwa cha kujikuzga kwinu.
Ndidirengi masozi nganandi, ndipu masu ngangu ngapopomengi masozi,+Chifukwa chakuti mskambu waku Yehova+ watoleke ku ukapolu.
18 Kambiya fumu kweniso anyina a fumu+ kuti, ‘Jani pamalu ngapasi,Pakuti chisoti chinu chaufumu chakutowa chiwengi kutuliya kumutu winu.’
19 Matawuni nga kumwera ngajalika,* ndipu palivi yo wangangajula.
Ŵanthu wosi a ku Yuda atoleke ku ukapolu, wosi atoleke ku ukapolu.+
20 Kweza masu ngaku, ndipu wona ŵanthu wo atuliya kunkhondi.*+
We pani mskambu wo ungupaskika, mbereri zaku zakutowa?+
21 Kumbi wazamukambanji asani chilangu chaku chafikaKutuliya ku ŵanthu wo ungukolana nawu ubwezi kwambiya pakwamba?+
Kumbi urwirwi wa pakubala nge wa munthukazi yo wabala, wazakukuwiya cha?+
22 Ndipu asani mumtima mwaku wazikamba kuti, ‘Ntchifukwa wuli vinthu venivi vandiwiya?’+
Akuzuwa vakuvwala chifukwa cha ubudi waku ukulu+
Ndipu viphundulu vaku vapwetekeka ukongwa.
23 Kumbi munthu wa ku Kushi* wangasintha khungu laki, pamwenga kumbi nyalubwi wangasintha maŵanga ngaki?+
Asani ndi viyo, mbwenu ungachita vinthu vamampha,Yiwi, yo ukusambizika kuchita vinthu viheni.
24 Mwaviyo, ndazakuŵambininiska nge mapesi ngo ngaputisika ndi mphepu yamuchipalamba.+
25 Ichi ndichu chigaŵa chaku cho ndakupimiya,” Yehova ndiyu wakamba,“Chifukwa chakuti wandiluwa+ ndipu ugomezga maboza.+
26 Mwaviyo, ndazamukwizuliya malaya ngaku kumutu waku,Ndipu ŵanthu azamuwona vinthu vaku vakuchitiska soni,+
27 Ureŵi waku+ ndipuso khumbiru laku lakugonana,Uhuli waku wakuchitiska soni.
Pamitunthu, mudondu,Ndawona jalidu laku lakuseruska.+
Soka kwaku yiwi, Yerusalemu!
Kumbi ulutirizgengi kuja wakufipiskika mpaka zuŵanji?”+
Mazu Ngam'mphata
^ Pamwenga kuti, “ngazingilizika.”
^ Anyaki akamba kuti, “kumpotu.”
^ Pamwenga kuti, “Ifiyopiya.”
