Yeremiya 17:1-27
17 “Ubudi wa ŵanthu a ku Yuda walembeka ndi chakulembe chachisulu.
Walembeka* pamitima yawu ndi chakulembe cha dayamondiKweniso walembeka pamasengwi nga maguŵa ngawu nga sembi,
2 Ŵana ŵawu achikumbuka maguŵa ngawu nga sembi kweniso mapolu ngawu ngakupaturika*+Pafupi ndi chimiti chakubiriŵira, pamitunthu yitali,+
3 Ndipuso pachanya pa mapiri mucharu.
Vinthu vaku kweniso chuma chaku chosi ndazakuvipereka kwa arwani ŵaku,+Ndazakuŵapaska so malu ngaku ngapachanya chifukwa cha ubudi waku muvigaŵa vaku vosi.+
4 Mwakukhumba kwaku, wazamutaya chihara cho ndikukupaska.+
Ndipu ndazamuchitiska kuti uteŵete arwani ŵaku mucharu cho utichiziŵa cha,+Pakuti mwabuska ukali wangu nge motu.*+
Ndipu ukoliyengi mpaka muyaya.”
5 Yehova wakamba kuti:
“Ngwakutembeka munthu yo wathemba ŵanthu,+Yo wathemba nthazi za ŵanthu,+Kweniso yo mtima waki utuwaku kwaku Yehova.
6 Iyu wajengi nge chimiti cho che pakuchija muchipalamba.
Wawonengi cha asani vinthu vamampha vituza,Kweni wajengi mumalu ngakumira muchipululu,Mucharu cha mche cho munthu wangajamu cha.
7 Ngwakutumbikika munthu yo wathemba Yehova,Yo wagomezga Yehova.+
8 Iyu wajengi nge chimiti cho chikupandika mumphepeti mwa maji,Cho misisi yaki yithaziya kumsinji.
Asani lumwi lawotcha ukongwa wazakulivwa cha,Kweni mani ngaki ngazamuja ngakubiriŵira nyengu zosi.+
Mu chaka cha chilala wazamufipa mtima cha,Ndipu wazamuleka cha kupasa vipasu.
9 Mtima ngwakunyenga ukongwa kuluska chinthu chechosi ndipuso ngwakofya.*+
Ndiyani yo wangawuziŵa?
10 Ini Yehova ndifufuza mtima,+Ndisanda maŵanaŵanu ngamukati,*Kuti ndipereki mphotu kwaku weyosi mwakukoliyana ndi nthowa zaki,Mwakukoliyana ndi vipasu va ntchitu zaki.+
11 Nge nkhwali yo yiwunjika mazira ngo yikutayiya cha,Ndimu so waliri munthu yo wasaniya chuma mwachinyengu.*+
Chimuthaŵengi weche pakati pa umoyu waki,Ndipu pakumaliya paki wajengi wakupusa.”
12 Malu ngidu ngakupaturika,Ndi mpandu waufumu waunkhankhu, ndipuso ngakukwezeka kutuliya pakwamba.+
13 Yimwi Yehova, chilindizga chaku Isirayeli,Wosi wo atikujowoni azamulengeseka.
Wo atikugarukiyani* azamulembeka pafuvu,+Chifukwa chakuti ajowo Yehova, chisimi cha maji nga umoyu.+
14 Yimwi Yehova, ndichizgeni, ndipu ndichizgikengi.
Nditaskeni, ndipu nditaskikengi,+Pakuti ini ndithamika yimwi.
15 Awonani! Pe ŵanthu anyaki wo atindikambiya kuti:
“Nge pani mazu ngaku Yehova?+
Ngafiskiki, sonu viyo!”
16 Kweni ini ndinguleka cha kukulondoni nge mliska,Ndipu ndingukhumbirapu cha zuŵa la soka.
Yimwi muziŵa umampha chechosi cho milomu yangu yalongoro;Vosi vinguchitika yimwi muchiwona!
17 Mungajanga chinthu chakofya cha kwaku ini.
Yimwi ndimwi malu ngangu ngakuthaŵiyaku mu zuŵa la soka.
18 Wo atinditombozga alengeseki,+Kweni mungazomerezanga cha kuti ini ndilengeseki.
Yiwu achiti mantha,Kweni mungazomerezanga cha kuti ini ndichiti mantha.
Muzi ndi zuŵa la soka paku yiwu,+Ndipu muŵavikiti ndi kuŵanangiya limu.
19 Yehova wangundikambiya kuti: “Luta ndipu ukami pageti la ŵana a ŵanthu yaŵa, lo mafumu nga ku Yuda ngaseleriyapu ndi kutuliyapu, kweniso pamageti ngosi nga ku Yerusalemu.+
20 Ukaŵakambiyi kuti, ‘Vwani mazu ngaku Yehova, yimwi mafumu nga ku Yuda, ŵanthu wosi a ku Yuda ndipuso ŵanthu wosi a mu Yerusalemu, wo asere pamageti yanga.
21 Yehova wakamba kuti: “Phweriyani, munganyamuwanga cha katundu weyosi pa zuŵa la Sabata pamwenga kuza nayu mu Yerusalemu kuziya pamageti ngaki.+
22 Mungazanga ndi katundu weyosi cha kutuliya kunyumba zinu pa zuŵa la Sabata, ndipu mungagwiranga ntchitu yeyosi cha.+ Zuŵa la Sabata muliwonengi kuti ndakupaturika nge mo ndingulamuliya apapi ŵinu akali.+
23 Kweni anguvwisiya cha pamwenga kukhazaku gutu lawu. Yiwu anguchita mtafu* ndipu angukana kundivwiya kweniso kulonde chilangu.”’+
24 “‘Yehova wakamba kuti: “Asani mundivwiyengi pa chechosi, ndipuso asani muserengi ndi katundu weyosi cha pamageti nga tawuni iyi pa zuŵa la Sabata, kweniso asani muwonengi kuti zuŵa la Sabata ndakupaturika mwa kuleka kugwira ntchitu yeyosi pa zuŵa ili,+
25 mbwenu mafumu kweniso alongozgi akuzirwa wo aja pampandu waufumu waku Davidi+ azamusere mutawuni iyi kuziya pamageti ngaki. Azamusere akwera magaleta kweniso mahachi, yiwu ndi alongozgi ŵawu akuzirwa, ŵanthu a ku Yuda kweniso ŵanthu a mu Yerusalemu;+ ndipu mutawuni iyi mwazamuja ŵanthu mpaka muyaya.
26 Ndipu ŵanthu azamukuza kutuliya mumatawuni nga ku Yuda, kutuliya mumalu ngapafupi ndi Yerusalemu, kutuliya mucharu cha Benjamini,+ kutuliya muchidika,+ kutuliya muchigaŵa cha mapiri kweniso kutuliya muchigaŵa cha Negebu,* ndipu azamukuza ndi sembi zakupiriza zamphumphu,+ sembi zinyaki,+ sembi za mbewu,+ libani ndipuso sembi zakuwonga kunyumba yaku Yehova.+
27 “‘“Kweni asani mundivwiyengi cha ndipu mulekengi kuwona kuti zuŵa la Sabata ndakupaturika, kweniso asani munyamuwengi katundu ndi kusere nayu mu Yerusalemu kuziya pamageti ngaki pa zuŵa la Sabata, ndazamubuska mageti ngaki ndi motu. Motu wo wazamupiriza tinyumba takuthopoka takukho ta mu Yerusalemu+ ndipu wazamuzimwika cha.”’”+
Mazu Ngam'mphata
^ Mazu ngaki chayingu, “Wajobeka.”
^ Wonani Mazu ngo Ngakonkhoskeka.
^ Yapa pangafwatulikiya so kuti, “Pakuti nge motu, mwabuskika mu ukali wangu.”
^ Yapa pangafwatulikiya so kuti, “ndipuso ungachizgika cha.”
^ Pamwenga kuti, “maŵanaŵanu ngandimba.” Mazu ngaki chayingu, “sana.”
^ Pamwenga kuti, “mwambula urunji.”
^ Mazu ngaki chayingu, “Wo atindigarukiya,” viwoneka kuti akamba Yehova.
^ Mazu ngaki chayingu, “angumizga khosi lawu.”
^ Pamwenga kuti, “kumwera.”
