Yeremiya 21:1-14
21 Yehova wangulongoro ndi Yeremiya pa nyengu yo Fumu Zedekiya,+ yingutuma Pasuri+ mwana waku Malikiya ndipuso Zefaniya+ mwana waku Maseya, wasembi kwaku Yeremiya kuti akamupemphi kuti:
2 “Tifumbiyi kwaku Yehova, chifukwa Fumu Nebukadinezara* ya ku Babiloni yikhumba kuchita nasi nkhondu.+ Panyaki Yehova watichitiyengi chakuziziswa, kuti Nebukadinezara watileki.”+
3 Yeremiya wanguŵakambiya kuti: “Zedekiya mukamukambiyi kuti,
4 ‘Yehova, Chiuta waku Isirayeli wakamba kuti: “Awonani! Ndichitiskengi kuti vidya vankhondu vo ve mu manja mwinu, vikung’anamukiyeni, vidya vo muchitiyengi nkhondu ndi fumu ya ku Babiloni+ ndi Akadiya wo akuzingilizani kubwalu kwa mpanda. Ndipu ndiŵawunganisiyengi pakati pa tawuni iyi.
5 Ini ndichitengi namwi nkhondu+ ndi janja langu lakutambasuka, janja lanthazi, ndi kukwiya, kufya mtima kweniso ndi ukali ukulu.+
6 Ndipumengi ŵanthu wo aja mutawuni iyi, ŵanthu kweniso nyama. Yiwu afwengi ndi mulili wakofya.”’*+
7 “‘Yehova wakamba kuti: “Pavuli paki, Fumu Zedekiya ya ku Yuda, ateŵeti ŵaki wosi ndipuso ŵanthu a mutawuni iyi, wo apona ku mulili, lipanga ndipuso nja, ndazakuŵapereka mu manja mwa Fumu Nebukadinezara ya ku Babiloni, mu manja mwa arwani ŵawu, kweniso mu manja mwa ŵanthu wo akhumba kuŵabaya.+ Iyu wazakuŵabaya ndi lipanga. Wazakuŵachitiya chitima cha, wazakuŵalongo wezi cha ndipuso wazakuŵalenge lisungu cha.”’+
8 “Ndipu ŵanthu yaŵa ukaŵakambiyi kuti, ‘Yehova wakamba kuti: “Awonani ndiŵika nthowa ya umoyu kweniso nthowa ya nyifwa pa masu pinu.
9 Yo walutirizgengi kuja mu tawuni iyi, wafwengi ndi lipanga, nja kweniso mulili. Kweni yo watuwengi ndi kujipereka kwa Akadiya wo akuzingilizani walutirizgengi kuja ndi umoyu, ndipu walondiyengi umoyu waki nge vinthu vakuphangika ku nkhondu.”’*+
10 “‘“Pakuti ndasimikiza mtima kuti tawuni iyi ndiyiwisiyengi soka, vinthu vamampha cha,”+ Yehova ndiyu wakamba. “Yiperekekengi mu manja mwa fumu ya ku Babiloni,+ ndipu wayiwotchengi ndi motu.”+
11 “‘Ukambiyi a munyumba ya fumu ya ku Yuda kuti: Vwisiyani mazu ngaku Yehova.
12 Yimwi a munyumba yaku Davidi, Yehova wakamba kuti:
“Kolesani urunji mlenji wewosi,Ndipu taskani munthu yo ŵanthu akuba mwachinyengu akhumba kumubiya,+Kuti ukali wangu uleki kukole nge motu+Ndi kubuka kwambula munthu wakuwuzimwaChifukwa cha vinthu viheni vo muchita.”’+
13 ‘Yiwi uja mudambu,* ndikulangengi,Yiwi jalawi la pamalu ngachinyeti,’* Yehova ndiyu wakamba.
‘Kweni yimwi mukamba kuti: “Ndiyani yo wasikengi kuti wazitilangi?
Ndipu ndiyani yo waserengi munyumba zidu?”
14 Ndazakukumbani mulanduMwakukoliyana ndi vakuchita vinu,’+ Yehova ndiyu wakamba.
‘Ndipu ndazamubuska lisuwa laki ndi motu,Kweniso ndazamupiriza vinthu vosi vo ve pafupi ndi iyu.’”+
Mazu Ngam'mphata
^ Zina ili lilembeka so kuti, “Nebukadirezara.”
^ Pamwenga kuti, “nthenda yakofya.”
^ Pamwenga kuti, “ndipu wathaŵengi ndi umoyu waki.”
^ Pamwenga kuti, “muchidika.”
^ Pamwenga kuti, “ngafulati.”
