Yeremiya 47:1-7
-
Uchimi wakukwaskana ndi Afilisiti (1-7)
47 Farawo wechendathereski Gaza, Yehova wangukambiya mchimi Yeremiya uthenga wakukwaskana ndi Afilisiti.+
2 Yehova wakamba kuti:
“Awonani! Maji ngatuza kutuliya kunkhondi.*
Ngazamusambuka msinji wakusapaliya.
Ndipu ngazamubizga charu ndi vinthu vosi vo ve mwenimo,Ngazamubizga tawuni kweniso ŵanthu wo aja mwenimo.
Ŵanthu azamuliya,Ndipu weyosi yo waja mucharu cho wazamutenje.
3 Chifukwa cha chiwawa cha malundi nga mahachi ngaki nganthulumi,Chifukwa cha chiwawa cha magaleta ngaki ngankhonduNdipuso chifukwa cha chiwawa cha vingelengeli vaki,Ada azamulereska kuvuli cha kuti awoni ŵana ŵawu,Pakuti manja ngawu ngamala nthazi,
4 Chifukwa zuŵa lo lituza lazamubaya Afilisiti wosi;+Ŵanthu wosi wo ajaku wo akoliyana ndi Turo+ kweniso Sidoni+ azamubayika.
Pakuti Yehova wazamubaya Afilisiti,Wo ajaku pa Afilisiti wo akutuliya kuchirwa* cha Kafitori.*+
5 Gaza wazamumeta phala.*
Ashikeloni wachetamisika.+
Yimwi ŵanthu akujaku a muchidika chawu,Kumbi mujichekengi mpaka zuŵanji?+
6 Yiwi lipanga laku Yehova!+
Kumbi ujengi cheti cha mpaka zuŵanji?
Were muchakuŵikamu chaku.
Pumuwa ndipuso ja cheti.
7 Kumbi lingaja wuli chetiPakuti Yehova ndiyu walilamula?
Kuti liyukiyi Ashikeloni+ kweniso mumphepeti mwa nyanja,Kweniko ndiku walituma kuti liluti.”
Mazu Ngam'mphata
^ Anyaki akamba kuti, “kumpotu.”
^ Anyaki akamba kuti, “chilumba.”
^ Kung’anamuwa Kirete.
^ Kung’anamuwa kuti, azamumeta sisi lawu chifukwa cha chitima kweniso soni.
