Yeremiya 5:1-31
5 Yendaniyendani mumisewu ya ku Yerusalemu.
Lereskani uku ndi uku ndipu wonesesani.
Fufuzani mumabalaza ngaki kuti muwoniAsani musaniyengi munthu yo wachita vinthu mwaurunji,+Yo wakhumba kuja wakugomezgeka,Ndipu ndigowokiyengi Yerusalemu.
2 Chinanga angakamba kuti: “Ndilapizga mu zina laku Yehova Chiuta wamoyu!”
Alapizgengi mbwenu vinthu vaboza.+
3 Yimwi Yehova, asi masu nginu ngakhumba kuwona ŵanthu akugomezgeka?+
Munguŵapuma, kweni angusintha cha.*
Munguŵamala, kweni angukana kulonde chilangu.+
Anguchitiska kuti visku vawu vilami* kuluska jalawi,+Ndipu angukana kung’anamuka.+
4 Kweni ini ndingukamba kuti: “Ŵanthu yaŵa mbakumaliyapu nadi.
Achita vinthu mwauzereza, pakuti atiyiziŵa cha nthowa yaku Yehova,Cheruzgu chaku Chiuta wawu.
5 Ndilutengi ku ŵanthu akutchuka ndipu ndamulongoro nawu,Pakuti atenere kuti aŵanaŵaniya nthowa yaku Yehova,Cheruzgu chaku Chiuta wawu.+
Kweni wosi akuswa goliNdipuso akudumuwa vingwi.”
6 Ndichu chifukwa chaki nkharamu yamulisuwa yitiŵayukiya,Mphumphi yamuvidika yitiŵasakaza,Nyalubwi watiŵakhaza pafupi ndi matawuni ngawu.
Weyosi yo waluta kubwalu wapalurika.
Pakuti mphulupulu zawu zinandi;Ndipu vinthu vambula kugomezgeka vo achita vinandi ukongwa.+
7 Ndingakugowoke wuli chifukwa cha vinthu venivi?
Ŵana ŵaku andijowo,Ndipu alapizga mwakuzumbuwa chinthu cho ndi Chiuta cha.+
Ndaŵapaskanga vosi vo akhumbikanga,Kweni achitanga mbwenu uhuli,Ndipu andondiyanga kunyumba ya huli.
8 Yiwu ŵe nge mahachi ngo ngakhumba kukwera mahachi nganthukazi,Weyosi wakhumbira muwolu wa munyaki.+
9 “Kumbi nditenere cha kuŵamba mulandu chifukwa cha vinthu venivi?” Yehova ndiyu wakamba.
“Kumbi nditenere cha kuweze nduzga pa mtundu waviyo?”+
10 “Zani kuti muyukiyi mizeri ya minda yaki ya mphereska ndi kuyinanga,Kweni kuyimaliya limu cha.+
Tuzganimu mphukira zaki zakuthaza,Chifukwa zaku Yehova cha.
11 Pakuti a munyumba yaku Isirayeli ndi a munyumba yaku YudaAgomezgeka cha kwaku ini chinanga nkhamanavi,” Yehova ndiyu wakamba.+
12 “Yiwu akana Yehova, ndipu akamba kuti,‘Wachitengepu kanthu cha.*+
Soka litiwiyengi cha;Tiwonengi lipanga cha pamwenga nja.’+
13 Achimi azaza mphepu,Mwaku yiwu mulivi mazu.*
Venivi ndivu viŵachitikiyi!”
14 Mwaviyo, Yehova Chiuta wa mizinda, wakamba kuti:
“Chifukwa chakuti ŵanthu yaŵa akamba venivi,Ndichitiskengi kuti mazu ngangu ngaje nge motu mumulomu mwaku,+Ŵanthu yaŵa ajengi nge nkhuni,Ndipu motu wo, uŵapirizengi.”+
15 “Awonani! Ndizengi kwaku yimwi ndi mtundu wakutali, yimwi a munyumba yaku Isirayeli,”+ Yehova ndiyu wakamba.
“Mtundu wo waja kwa nyengu yitali.
Mtundu wakali,Mtundu wo chineneru chaki utichiziŵa cha,Ndipuso wo mazu ngaki ungangavwisa cha.+
16 Kachikwama kawu ka mivi ke nge dindi lamwazi;Wosi ndi vinkhara vankhondu.
17 Yiwu azamumeza vinthu vo mwavuna kweniso chiŵandi chinu.+
Azamumeza ŵana ŵinu anthulumi ndi ŵana ŵinu anthukazi.
Azamumeza mbereri zinu, mbuzi zinu ndi ng’ombi zinu.
Azamumeza vimiti vinu va mphereska ndi vimiti vinu va mkuyu.
Matawuni nginu nga mipanda yakukho ngo muthemba, azakungabwanganduwa ndi lipanga.”
18 Yehova wakamba kuti: “Kweni chinanga ndi mu mazuŵa ngeningo, ndazakukumaliyani limu cha.”+
19 Ndipu asani afumba kuti, ‘Ntchifukwa wuli Yehova Chiuta widu watichitiya vinthu vosi ivi?’ muŵamukengi kuti, ‘Nge mo mungundijowole kuti muteŵete chiuta wachilendu mucharu chinu, ndimu so mwamuteŵete alendu mucharu cho ntchinu cha.’”+
20 Pharazgani venivi munyumba yaku Yakobe,Vimemezeni mu Yuda, ndipu kambani kuti:
21 “Vwani ivi yimwi ŵanthu akupusa ndipuso ambula zeru:*+
Ŵe ndi masu kweni awona cha;+Ŵe ndi makutu kweni atuvwa cha.+
22 ‘Kumbi mutindiwopa cha?’ Yehova ndiyu wakamba,‘Asi mutenere kumbwambwanthiya pa masu pangu?
Ini ndini ndikuŵika mchenga kuja mphaka ya nyanja,Dangu lambula kumala, mwakuti yingajumpha cha.
Chinanga kuti mayiŵa ngaki ngapuma, ngangachita kanthu cha;Chinanga kuti ngawuluma, ngangajumpha cha mphaka yo.+
23 Kweni ŵanthu yaŵa ŵe ndi mtima unononu kweniso wakugaruka;Yiwu apetukiya kumphepeti ndipu aluta kunthowa yawu.+
24 Ndipu akamba cha mumtima mwawu kuti:
“Tiyeni sonu tiwopi Yehova Chiuta widu,Yo wapereka vuwa mu nyengu yaki,Vuwa yakwamba kweniso yakumaliya,Yo wawonesesa kuti te ndi masabata ngakuŵikika ngakuvuniya.”+
25 Kunanga kwinu kwachitiska kuti vinthu venivi vileki kuza;Maubudi nginu ngachitiska kuti munoleki vinthu vamampha.+
26 Pakuti pakati pa ŵanthu ŵangu pe ŵanthu aheni.
Yiwu alingiza nge mo achitiya akuthya viyuni wo akwaŵa pasi.
Yiwu atuthya chiŵana chakubaya.
Ndipu awonja ŵanthu.
27 Nge kachikutu kakuzaza tiyuni,Nyumba zawu zazaza boza.+
Ndichu chifukwa chaki aja anthazi kweniso akukhupuka.
28 Yiwu atutuŵa ndi kusilirika;Azaza ndi vinthu viheni.
Mwana mulanda atimumiya cha pa mulandu waki,+Kuti vinthu viŵayende umampha;Ndipu ŵanthu akavu atiŵayeruzga mwambula urunji.’”+
29 “Kumbi nditenere cha kuŵamba mulandu chifukwa cha vinthu venivi?” Yehova ndiyu wakamba.
“Kumbi nditenere cha kuweze nduzga pa mtundu waviyo?
30 Mucharu mwachitika chinthu chinyaki chakuziziswa kweniso chakofya:
31 Achimi akamba mauchimi ngaboza,+Ndipu asembi akandirizga ŵanthu ndi mazaza ngawu.
Ndipu venivi ndivu ŵanthu ŵangu atanja.+
Kweni kumbi mwazamuchitanji asani umaliru waza?”
Mazu Ngam'mphata
^ Mazu ngaki chayingu, “kweni angumala nthazi cha.”
^ Pamwenga kuti, “kuti mitima yawu yilami.”
^ Yapa pangafwatulikiya so kuti, “Iyu kulivi.”
^ Kung’anamuwa mazu ngaku Chiuta.
^ Mazu ngaki chayingu, “yimwi ŵanthu akupusa ambula mtima.”
