Yesaya 17:1-14
17 Uwu mbuthenga wacheruzgu wakukwaskana ndi Damasiko:+
“Awonani! Damasiko wajengi so tawuni cha,Iyu wazamuja ndundu ya mahami.+
2 Matawuni nga ku Aroweri+ ngazamujowoleka;Ngazamuja malu ngakugonaku miskambuKwambula munthu weyosi wakuyiwofya.
3 “Matawuni nga mipanda yakukho ngamalengi mu Efurayemu,+Ndipuso ufumu umalengi mu Damasiko;+Ndipu ŵanthu wo ajaku mu SiriyaAzamuja nge unkhankhu wa Ayisirayeli,” Yehova wa mizinda ndiyu wakamba.
4 “Mu zuŵa lo unkhankhu waku Yakobe wazamumala,Ndipu liŵavu laki lanthazi lazamuwonda.
5 Vazamuja nge mo viŵiya asani wakuvuna wawunganisa mbewu zambula kuvunaNdipu janja laki livuna masanja nga tirigu,Nge mo viŵiya asani munthu watondo tirigu mu Dambu la* Refayimu.+
6 Mwazamuja ŵaka mbewu zakuti ŵanthu atondo,Nge mo viŵiya asani chimiti cha maolivi chavwapulika pakuvuna:
Mumphanda yakuchanya ukongwa mwaja ŵaka vipasu vakufya va maolivi viŵi pamwenga vitatu pe,Mumphanda zaki zakubala vipasu, mwaja ŵaka vipasu vinayi pamwenga vinkhondi pe,”+ Yehova Chiuta waku Isirayeli ndiyu wakamba.
7 Mu zuŵa lenilo, munthu wazamulereska kwaku yo Wakumupanga, ndipu masu ngaki ngazamulereseska Mtuŵa waku Isirayeli.
8 Iyu wazamulereska pamaguŵa ngaki nga sembi cha,+ vo ndi ntchitu ya manja ngaki;+ ndipu wazamulereseska vinthu vo manja ngaki ngapanga cha, kwali ndi mapolu ngakupaturika* pamwenga vakuŵikapu vakununkhira.
9 Mu zuŵa lenilo matawuni nga mipanda yakukho ngazamuja nge malu ngakujowoleka mulisuwa,+Ngazamuja nge mphanda yo yingujowoleka pa masu pa Ayisirayeli;Ngazamusambuka mahami.
10 Pakuti waluwa Chiuta+ wa utaski waku;Watondeka kukumbuka Jalawi+ laku lakukho.
Ndichu chifukwa chaki walima munda wakutowa*Ndipu wapandamu mphukira ya mulendu.*
11 Ndi msana munda waku utiwuzenge mpanda mwakuphwere,Ndi mlenji uchitiska kuti mbewu zaku zibuki,Kweni vakukolola vazamusoŵa mu zuŵa la matenda ndipuso urwirwi wambula kuchizgika.+
12 Avwani! Kwe chibumuzi cha mitundu yinandi ya ŵanthu,Wo awuluma nge nyanja!
Kwe chiwawa cha mitundu ya ŵanthu,Wo awuluma nge maji nganthazi!
13 Mitundu ya ŵanthu yazamuvwika nge kuwuluma kwa maji nganandi.
Iyu wazakuyichenya, ndipu yazamuthaŵiya kutali,Yazamudikisika nge mwere wa mumapiri wo uputa ndi mphepu,Yazamuputa nge vimadondu vaminga vo viputa ndi mphepu yikulu.
14 Ndi mazulu kwe mantha.
Kwechendachi yiwu kulivi.Ichi ntchigaŵa cha ŵanthu wo atitilonda vinthuNdipuso chihara cha ŵanthu wo atitiphanga vinthu.
Mazu Ngam'mphata
^ Pamwenga kuti, “Chidika cha.”
^ Wonani Mazu ngo Ngakonkhoskeka.
^ Pamwenga kuti, “wakukondwesa.”
^ Pamwenga kuti, “Ndipu waŵikamu chiuta wachilendu.”
