Yesaya 24:1-23
24 Awonani! Yehova watuzgamu ŵanthu wosi mucharu ndipu watichisambusa mahami.+
Watichigadabuwa*+ ndi kumbininiska ŵanthu akuja mwenimo.+
2 Vazamuja vakuyanana kwaku weyosi:
Ŵanthu kweniso wasembi,Mteŵeti ndi mbuyaki,Mteŵeti kweniso mbuyaki munthukazi,Wakugula ndi wakugulisa,Wakubwerekesa ndi wakubwereka,Wakukongolesa ndi wakukongola.+
3 Ŵanthu wosi azamutuzgikamu mucharu.
Vinthu vosi vazamutoleka mucharu cho,+Pakuti Yehova ndiyu wakamba mazu ngenanga.
4 Charu chiliya;*+ charu chimala.
Charu chavundira chifota; charu chiguga.
Ŵanthu akuzirwa a pacharu afota.
5 Akuja mucharu ananga charu cho,+Pakuti ajumpha marangu,+Asintha dangu,+Ndipu aswa phanganu lamuyaya.*+
6 Ndichu chifukwa chaki thembu lameza charu,+Ndipu wo aja mwenimo ŵe ndi mulandu.
Ndichu chifukwa chaki akuja mwenimo apunguluka,Ndipu anthulumi amanavi ŵaka ndiwu ajaku.+
7 Vinyu wasonu waliya,* chimiti cha mphereska chifota,+Ŵanthu wosi a mitima yakukondwa atamantha.+
8 Likondwa la ting’oma lamala;Chiwawa cha akuzaya chamala;Kumba kwalikondwa kwa bangu kwamala.+
9 Atumwa vinyu kwambula sumu,Ŵanthu wo atumwa moŵa atiwuvwa kuŵaŵa.
10 Tawuni yambula ŵanthu yabwangandulika;+Nyumba yeyosi yajalika mwakuti palivi yo wangaseremu.
11 Aliriya vinyu mumisewu.
Likondwa losi lamala;Kukondwa kwa charu kwaluta.+
12 Tawuni yasambuka mahami;
Geti aliswa ndipu lasambuka ndundu ya mavikita.+
13 Pakuti ndimu vazamujaliya mucharu, pakati pa mitundu ya ŵanthu:
Nge mo viŵiya asani chimiti cha maolivi chavwapulika pakuvuna,+Nge kutondo mphereska zakujaliya mumunda asani chivuna chamala.+
14 Yiwu azamudaniriza,Azamudaniriza mwalikondwa.
Azamupharazga kukwezeka kwaku Yehova kutuliya kunyanja.*+
15 Ndichu chifukwa chaki azamukankhuska Yehova muchigaŵa chaukweru;*+Muvirwa va munyanja azamukankhuska zina laku Yehova Chiuta waku Isirayeli.+
16 Tituvwa sumu kutuliya kuvigoti va charu:
“Unkhankhu* ku Murunji!”+
Kweni ini ndikamba kuti: “Ndimala, ndimala!
Soka kwaku ini! Aryarya achita vinthu mwauryarya;Ndi uryarya aryarya achita vinthu mwauryarya.”+
17 Mantha, mbuna kweniso viŵana vitikulindizga, yiwi wakuja mucharu.+
18 Weyosi yo wathaŵa chiwawa chakuchitiska mantha wazamukuwa mumbuna,Ndipu weyosi yo wathaŵa mumbuna wazamuwira muchiŵana.+
Pakuti mageti nga kuchanya ngazamujulika,Ndipu mafawundeshoni nga charu ngazamusukunyika.
19 Charu chakeluka pakati;Charu chasukunyika;Charu chanjekeme ukongwa.+
20 Charu chimbendyambendya nge munthu wakuloŵe,Ndipu chisukunyikiya uku ndi uku nge chigongwi cho chisukunyisika ndi mphepu.
Chazitiskika ukongwa ndi kunanga kwaki,+Ndipu chazamukuwa mwakuti chazamuyuka so cha.
21 Mu zuŵa lenilo Yehova wazamukumbuka mizinda yakuchanyaNdipuso mafumu nga pacharu chapasi.
22 Ndipu azamuwunganisika pamozaNge akayidi wo awunganisika mumbuna,Ndipu azakuŵajaliya mujeri;*Azakuŵakumbuka* asani mazuŵa nganandi ngajumphapu.
23 Mwezi wamphumphu wazamulengeseka,Ndipu lumwi lakuŵala lazamuchita soni,+Pakuti Yehova wa mizinda waja Fumu+ mu Phiri la Ziyoni+ ndi mu Yerusalemu,Iyu ngwaunkhankhu pa masu pa ŵara a ŵanthu ŵaki.*+
Mazu Ngam'mphata
^ Pamwenga kuti, “Wanyongoro chisku cha charu.”
^ Yapa pangafwatulikiya so kuti, “chimira.”
^ Pamwenga kuti, “lakali.”
^ Yapa pangafwatulikiya so kuti, “wamira.”
^ Pamwenga kuti, “kuzambwi.”
^ Pamwenga kuti, “muchigaŵa chakuvuma.”
^ Pamwenga kuti, “Kutowa.”
^ Mazu ngaki chayingu, “mumalu ngamdima.”
^ Pamwenga kuti, “Azakuŵalanga.”
^ Mazu ngaki chayingu, “pa ŵara ŵaki.”
