Yobu 7:1-21
7 “Asi umoyu wa munthu pacharu chapasi we nge ntchitu yakuchichizga,Ndipu mazuŵa ngaki nge nge nga munthu waganyu?+
2 Nge kapolu, munthu wakhumbisiska mduzi,Nge waganyu, iyu walindizga malipiru ngaki.+
3 Mwaviyo, ndapaskika myezi yaŵakaŵakaKweniso ndaŵerengeke mausiku ngakuŵaŵa.+
4 Asani ndagona nditijifumba kuti, ‘Ndiyukengi nyengu wuli?’+
Kweni usiku uchilutiriya, nding’anamukang’anamuka usiku wosi mpaka ku matandakucha.*
5 Mphorozi ndi lisiru vabenekere mnofu wangu;+Khungu langu lazaza malumwa ndi ufiŵa.+
6 Mazuŵa ngangu ngatenda liŵi ukongwa kuphara chitungu cha munthu wakuluka salu,+Ndipu ngamala kwambula chilindizga.+
7 Kumbukani kuti umoyu wangu we nge mphepu,+Kweniso kuti masu ngangu ngaliwonengepu so cha likondwa.*
8 Jisu lo litindiwona sonu panu, lindiwonengi so cha;Masu nginu ngandipenjengipenjengi, kweni ndiŵengi kuti ndaluta.+
9 Nge mtambu wo uzilimitiya ndi kumaliya limu,Munthu yo wasikiya ku Dindi* waweku cha.+
10 Iyu waweriyengi so kunyumba yaki cha,Ndipu malu ngo wajangapu ngamuziŵengi so cha.+
11 Mwaviyo, ini ndiwukongi cha mulomu wangu.
Ndilongorongi chifukwa cha urwirwi wa mumtima mwangu;*Ndidandawulengi chifukwa cha masuzgu ngangu ngakuŵaŵa!+
12 Kumbi ini nde nge nyanja pamwenga chinyama chakofya cha munyanja,Kuti mpaka mundiŵikiyi mulonda?
13 Asani ndikamba kuti, ‘Pakugona pangu pandipembuzgengi;Bedi langu lipepuskengeku masuzgu ngangu,’
14 Yimwi mutindiwofya ndi malotuKweniso mutindichitiska mantha ndi viwona,
15 Kuti ini ndisankhi kuphanika,Hinya, kuti ndisankhi nyifwa kuluska liŵavu langu ili.*+
16 Ndawutinkha umoyu wangu,+ ndikhumba cha kulutirizga kuja ndi umoyu.
Ndilekeni, pakuti mazuŵa ngangu nge nge mvuchi.+
17 Kumbi munthu ndiyani kuti musuzgiki nayuKweniso kuti mumuŵanaŵaniyengi?*+
18 Ntchifukwa wuli mutimuyendere mlenji wewosiKweniso mutimuyesa nyengu zosi?+
19 Kumbi mutuzgengepu cha jisu pa ku iniKweniso kundisiya kwa nyengu yitaliku kuti ndimezi mata?+
20 Asani ndananga, kumbi ndingakupwetekani yimwi muwona vosi vo ŵanthu achita?+
Ntchifukwa wuli mulimbana ndi ini pe?
Kumbi ndaja mphingu kwaku yimwi?
21 Ntchifukwa wuli muleka kundigowoke maubudi nganguKweniso kundigowoke mphulupulu zangu?
Pakuti pambula kuswera yapa ndigonengi mufuvu,+Ndipu mundipenjengipenjengi, kweni ndiŵengi kuti ndaluta.”
Mazu Ngam'mphata
^ Pamwenga kuti, “mpaka nyenyezi za ku matandakucha.”
^ Mazu ngaki chayingu, “ngachiwonengepu cha chinthu chamampha.”
^ Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
^ Mazu ngaki chayingu, “urwirwi wa mzimu wangu.”
^ Mazu ngaki chayingu, “kuluska viwanga vangu.”
^ Mazu ngaki chayingu, “kuti muŵikengepu mtima winu.”
