Zefaniya 2:1-15
2 Wunganani pamoza, wunganani pamoza,+Yimwi mtundu wambula soni.+
2 Dangu lechendayambi kugwira ntchitu,Zuŵa lechendajumphi nge mwere,Ukali wakukole waku Yehova wechendazi paku yimwi,+Zuŵa la ukali waku Yehova lechendazi paku yimwi,
3 Penjani Yehova+ yimwi mosi akufwasa* a pacharu chapasi,Yimwi musunga marangu ngaki ngaurunji.*
Penjani urunji, penjani kufwasa.*
Panyaki mungazibisika pa zuŵa la ukali waku Yehova.+
4 Pakuti Gaza wazamukuŵa tawuni yakujowoleka;+Ndipu Ashikeloni wazamusambuka mahami.
Ashidodi wazamudikisika lumwi le nyee,*Ndipu Ekironi wazamuchesulika.+
5 “Soka ku ŵanthu wo aja mumphepeti mwa nyanja, mtundu wa Akereti!+
Mazu ngaku Yehova ngasuskana namwi.
Yimwi ŵanthu a ku Kanani, charu cha Afilisiti, ndazakukunangani,Mwakuti palivi yo wazamupona.
6 Ndipu mumphepeti mwa nyanja mwazamusambuka malu ngakuliskaku viŵetu,Mwazamukuŵa visimi va aliska a viŵetu kweniso makhola ngamya nga mbereri.
7 Ndazamukuŵa chigaŵa cha ŵanthu akujaku a munyumba yaku Yuda;+Yiwu azamukurya kweniko.
Ndi usiku azamugona munyumba za mu Ashikeloni.
Pakuti Yehova Chiuta wawu wazakuŵakumbuka,*Ndipu iyu wazamuwunganisa so ŵanthu ŵawu wo angutoleke ku ukapolu.”+
8 “Ndavwa mo Amowabu+ anene ŵanthu ŵangu kweniso ndavwa mo Aamoni+ anyoze ŵanthu ŵangu,Yiwu anyoza ŵanthu ŵangu kweniso atijikuzga chifukwa cha chigaŵa cha ŵanthu ŵangu.”+
9 Yehova wa mizinda, Chiuta waku Isirayeli wakamba kuti: “Nge mo ini ndiliri wamoyu,Mowabu wazamukuŵa nge Sodomu,+Ndipu Aamoni azamukuŵa nge Gomora,+Malu nga vakume vakunyenye, zenji la mche kweniso malu ngakunangikiya limu.+
Ŵanthu ŵangu akujaku azakuŵaphanga vinthu vawu,Ndipu ŵanthu akujaku amtundu wangu azakuŵalonda vinthu vawu.
10 Venivi ndivu vazakuŵachitikiya chifukwa cha kujikuzga kwawu,+Pakuti yiwu angunyoza ŵanthu aku Yehova wa mizinda kweniso angujikuzga pa masu pawu.
11 Yehova wazamukuŵa chinthu chakuchitiska mantha kwaku yiwu;Pakuti wazamumala* achiuta ŵawu wosi pacharu chapasi,Ndipu virwa va mitundu ya ŵanthu vazakumusindamiya,*+Chechosi kutuliya pamalu ngaki.
12 Yimwi ŵanthu a ku Ifiyopiya namwi mwazamubayika ndi lipanga.+
13 Iyu wazamutambasuliya janja laki kunkhondi* ndipu wazamunanga charu cha Asiriya,Kweniso wazamubwanganduwa Nineve+ ndi kumusambusa chipalamba.
14 Miskambu kweniso vinyama vakupambanapambana vamudondu vazamugona mwenimo.
Khuya kweniso chinungu vazamugona pakati pa ntchindamilu zaki ndi usiku.
Pawindu pazamuvwika sumu.
Pakhomu pazamubwangandulika;Pakuti wazamuŵika pakweru mathabwa nga vimiti va sidara.*
15 Yeniyi ndi tawuni yakujikuzga yo yenga yakuvikilirika,Tawuni yo mumtima mwaki yakambanga kuti, ‘Ndini pe, ndipu palivi so munyaki.’
Yasambuka chinthu chakuchitiska mantha,Yasambuka malu ngakugonaku vinyama vamudondu!
Weyosi yo wazamujumpha pafupi ndi tawuni yo, wazakuyimbiya khwelu kweniso wazakuyilungiya fayiti.”+
Mazu Ngam'mphata
^ Pamwenga kuti, “akujiyuyuwa.”
^ Mazu ngaki chayingu, “cheruzgu chaki chaurunji.”
^ Pamwenga kuti, “kujiyuyuwa.”
^ Pamwenga kuti, “msana pakati.”
^ Mazu ngaki chayingu, “wazakuŵaphwere.”
^ Pamwenga kuti, “wazamuwondesa.”
^ Pamwenga kuti, “vazakumusopa.”
^ Anyaki akamba kuti, “kumpotu.”
^ Vimiti ivi viyananaku ndi vimiti va payina ndipu kali vasanirikanga ukongwa ku Lebanoni.
