Chaka chechosi tikondwa kulonde chakurya chauzimu pa unganu wachigaŵa. Mwaviyo, tikhumbika kuyesesa kudana ŵanthu anandi kuti nawu azisambiri mijalidu yaku Yehova. (Sumu 34:8) Wupu wa ŵara wazamuwona vo angachita kuti mpingu uzigaŵiyi ŵanthu anandi timapepala teniti.

• Kumbi unganu widu wazamuchitika zukwanji?

• Kumbi ntchitu yakudaniya ŵanthu ku unganu yazamuyamba zuŵanji mudera lidu?

• Kumbi maunganu ngakunozeke kugaŵiya timapepala ngazamuchitika zukwanji?

• Kumbi ndi vinthu wuli vo ndipenja kuzichita panyengu yakugaŵiya timapepala?

• Kumbi ndikhumba kuzidana ayani?

Asani mwamutawuza, mungakamba kuti:

“Tigwira ntchitu yo yichitika pacharu chosi yakudaniya ŵanthu ku unganu wakukhumbika ukongwa. Deti, nyengu ndipuso malu valembeka pakapepala kenaka. Tingazikondwa ukondwa asani mungazisanirikapu.”

Chinanga kuti tikhumba kudaniya ŵanthu anandi ku unganu wachigaŵa kweni tikhumbika so kuwona ŵanthu wo akhumba kuziŵa vinthu vinandi kuti tiŵawovyi.

Pa Chisulu ndi pa Sabata mungagaŵiya tipapepala kweniso magazini.