3:1-5

Ntchifukwa wuli Yesu wanguchita chitima ukongwa ndi vo Alongozgi Achiyuda achitanga? Chifukwa chakuti akhwimisanga ukongwa marangu ngakukwaskana ndi Sabata ndipu asazgiyangaku nganyaki ngambula kukhumbika. Mwakuyeruzgiyapu, akanizanga ndi kubaya nyenji viyo. Yiwu azomerezanga kuchizga munthu pa zuŵa la Sabata pijapija asani umoyu waki we pangozi nadi. Mwaviyo, pa zuŵa la Sabata, azomerezanga cha kuweze chiwanga m’malu mwaki asani munthu wafyoka pamwenga asani lundi lapinthuka. Venivi vilongole limu kuti Alongozgi Achiyuda amufipiyanga mtima cha munthu wakufwa janja.