TICHITENGI VINTHU NGE AKHRISTU
Kumbukani Muwolu Waku Loti
Ntchifukwa wuli muwolu waku Loti wangulereska kuvuli panyengu yo athaŵanga kutuwa ku Sodomu? Bayibolu likamba cha chifukwa chaki. (Chiya. 19:17, 26) Kweni vo Yesu wangukamba munkhani yakutcheŵeska yeniyi vilongo kuti muwolu waku Loti watenere kuti wangwamba kukhumbira vinthu vo angusiya ku Sodomu. (Luka 17:31, 32) Nanga isi tingachita wuli kuti tileki kutaya ubwezi widu ndi Yehova nge mo wanguchitiya muwolu waku Loti? Titenere cha kuŵika ukongwa mtima widu pa vinthu vakuliŵavu. (Mate. 6:33) Yesu wangukamba kuti ‘tingaja cha kapolu waku Chiuta ndipuso kapolu wa chuma pa nyengu yimoza.’ (Mate. 6:24) Kweni tingachita wuli asani tiwona kuti mtima wakukhumba vinthu vakuliŵavu wayamba kuto malu mpaka kutimbanyizga ubwezi widu ndi Yehova? Tikhumbika kupemphera kwaku Yehova kuti watiwovyi kuwona vo tinangisa ndipuso kuti watiwovyi kusintha.
KUMBUKANI VIDIYO YA VIGAŴA VITATU YAKUTI KUMBUKANI MUWOLU WAKU LOTI, PAVULI PAKI MUKANI MAFUMBU YANGA:
-
Kumbi vakuchita vangu vingalongo wuli kuti ‘ndikumbuka muwolu waku Loti’?
Kumbi fuzi yakusaniya ndalama zinandi yingutimbanyizga wuli maŵanaŵanu, vakukamba, kweniso vakuchita vaku Gloria?
-
Kumbi chawoniyapu cha muwolu waku Loti chitititcheŵesanji mazuŵa nganu?
-
Kumbi kugwiriskiya ntchitu fundu za mu Bayibolu kungumuwovya wuli Joe ndi banja laki?
-
Kumbi ubwezi waku Anna ndi Yehova ungutimbanyizgika wuli chifukwa cha ŵanthu wo wayanjananga nawu kuntchitu?
-
Ntchifukwa wuli tikhumbika kukana mwachiganga asani ŵanthu anyaki atitichichizga kuti tiyanjengi ukongwa ndalama?
-
Kumbi Brian ndi Gloria anguchita wuli kuti ayambi so kwanja Yehova ndi mtima wosi?
-
Kumbi ndi fundu nizi za mu Bayibolu zo zakonkhoskeka mu vidiyo iyi?
