Ntchifukwa wuli tikhumbika kuyanjana ndi ŵanthu wo atanja Yehova? Chifukwa ŵanthu wo ticheza nawu angachitiska kuti tichitengi vinthu vamampha pamwenga viheni. (Nthanthi 13:20) Mwakuyeruzgiyapu, Fumu Yoashi yachitanga “vinthu vamampha pamasu paku Yehova” pa nyengu yo yachezanga ndi Wasembi Mura Yehoyada. (2 Miko. 24:2) Kweni Yehoyada wati wafwa, Yoashi wanguleka kuvwiya Yehova chifukwa cha kucheza ndi mabwezi ngaheni.​—2 Miko. 24:17-19.

Mu nyengu ya akutumika, Paulo wanguyeruzgiya mpingu wachikhristu ndi ‘nyumba yikulu,’ ndipu Akhristu mumpingu wanguŵayeruzgiya ndi “viyaŵi” vapanyumba. Tingaja “chidya chakugwira ntchitu yakuzirwa” asani tikana kwanjana ndi weyosi yo waleka kuvwiya Yehova, chinanga wangaŵa wa mubanja lidu pamwenga mumpingu. (2 Timo. 2:20, 21) Mwaviyo, tiyeni tilutirizgi kwanjana ndi ŵanthu wo atanja Yehova kweniso wo angatichiska kuti timuteŵetiyengi.

WONERIYANI VIDIYO YAKUTI LEKANI KUCHEZA NDI ŴANTHU A MIJALIDU YIHENI, PAVULI PAKI MUKANI MAFUMBU YANGA:

• Kumbi tingayamba wuli kucheza ndi ŵanthu aheni mwambula kuziŵa?

• Muvidiyo iyi, ntchinthu wuli cho chinguwovya Akhristu atatu kuti aleki kucheza ndi ŵanthu aheni?

• Kumbi ndi fundu nizi za mu Bayibolu zo zingakuwovyani kuti musankhengi mabwezi mwazeru?