Arara anyaki a boma akwamba kali ukongwa kuwovya ŵanthu aku Yehova. (Ezra 6:1-12; Este. 8:10-13) Mazuŵa nganu napu, tiwona mo “charu” pamwenga kuti akulamuliya wo achita vinthu mwakuŵanaŵaniya ŵanthu ameze “msinji” wa masuzgu ngo “chinjoka” chitambisa. Chinjoka ichi chimiya Satana Dyaboli. (Chivu. 12:16) Nyengu zinyaki Yehova “Chiuta yo wataska” ŵanthu wagwiriskiya ntchitu akulamuliya a charu ichi kuti wapumuzgi ŵanthu ŵaki.​—Sumu 68:20; Nthanthi 21:1.

Kweni wuli asani mukumangika chifukwa cha vo mugomezga? Mungakayikanga cha kuti Yehova wawona vosi vo vitikuchitikiyani. (Chiya. 39:21-23; Sumu 105:17-20) Jani ndi chigomezgu kuti Yehova wakutumbikeningi chifukwa cha chivwanu chinu. Kweniso, ziŵani kuti kugomezgeka kwinu kutiŵachiska ukongwa abali ndi azichi pacharu chosi.​—Afi. 1:12-14; Chivu. 2:10.

WONERIYANI VIDIYO YAKUTI ABALI A KU KOREA AKUTUZGIKA MUJERI, PAVULI PAKI MUKANI MAFUMBU YANGA:

• Ntchifukwa wuli abali ŵidu masauzandi nganandi amangikanga ku South Korea?

• Kumbi khoti lingukambanji vo vinguchitiska kuti abali ŵidu anyaki atuzgiki liŵi mujeri?

• Kumbi tingaŵawovya wuli abali ŵidu wo ŵe mujeri chifukwa cha chivwanu chawu?

• Kumbi tingawugwiriskiya wuli ntchitu wanangwa widu?

• Kumbi ndiyani yo tikhumbika kumuwonga ukongwa chifukwa cha milandu yinandi yo tiwina kukhoti?