Kumbi mwe ndi vyaka va pakati pa 23 ndi 65 ndipu muchita uteŵeti wa nyengu zosi? Kumbi mutamatama cha, ndipu mwe akunozgeka kuchiteŵete ko kukhumbika apharazgi anandi? Asani mwamuka kuti hinya, kumbi mukuŵanaŵaniyapu va kuchisere Sukulu ya Apharazgi a Ufumu? Kutuwa waka po sukulu iyi yikwambiya, abali ndi azichi anandi ambula kuto pamwenga kuyirwa kweniso wo akutorana, akusere sukulu yeniyi. Kweni tikhumba kuti abali anandi ambula kuto asere sukulu yeniyi. Mupemphengi Yehova kuti wakuwovyeni kuti muje ndi khumbu lakuti mumukondwesi kweniso kuti muyezgengi Mwana waki. (Sl 40:8; Mt 20:28; Ah 10:7) Kuti musere sukulu yeniyi mukhumbika kusintha vinthu vinyaki vo muchita.

Kumbi ŵanthu wo amaliza sukulu iyi aja ndi mwaŵi wuli wa uteŵeti? Anyaki atumika kuchiteŵete ku chigaŵa cha chineneru chinyaki pamwenga kuchipharazga mumatawuni ngakulungakulu mo musanirika ŵanthu anandi. Ndipu anyaki asani pajumpha nyengu, ateŵete nge akuwonere dera akovya, akuwonere madera pamwenga amishonale. Po muŵanaŵaniya va kuchita uteŵeti wewosi mu gulu laku Yehova mungachita umampha kuja ndi mtima wa nge waku Yesaya yo wangukamba kuti: “Ndini panu! Nditumeni!”—Yes 6:8.

WONERIYANI VIDIYO YA MUTU WAKUTI AMISHONALE ATOVYA PA NTCHITU YA KUVUNA, NDIPU MUKANI MAFUMBU YANGA:

• Kumbi amishonale asankhika wuli?

• Kumbi amishonale agwira ntchitu wuli?

• Kumbi amishonale asaniya vitumbiku wuli?