Kumbi Ufumu waku Chiuta mwawulindizga kwa nyengu yitali wuli? Kumbi mwawulindizga mwakukukunthiyapu kweniso mwakuzizipizga chinanga kuti mukumana ndi masuzgu ngakulu? (Aro. 8:25) Akhristu anyaki atinkhika ukongwa ndi ŵanthu, atiŵachitiya vinthu vankhaza, amangika kweniso awofyezeka kuti abayikengi. Ndipu anyaki asuzgika chifukwa cha ukoti kweniso kutama ukongwa.

Ntchinthu wuli chingatiwovya kuti tilindizgengi ndi mtima wosi asani takumana ndi mayeseru? Titenere kuŵerenga Bayibolu zuŵa lelosi ndipuso kuŵanaŵaniya vo taŵerenga kuti tije ndi chivwanu chakukho. Titenere kuŵika mtima widu wosi pa chilindizga cho tenachu. (2 Akori. 4:16-18; Ahe. 12:2) Tikhumbika kumuchondere Yehova mu pempheru kuti watiwovyi ndi mzimu waki wakupaturika. (Luka 11:10, 13; Ahe. 5:7) Awusefwi achanju angatiwovya kuti ‘tikunthiyengepu ukongwa mwakuzizipizga ndipuso mwalikondwa.’​—Ako. 1:11.

WONERIYANI VIDIYO YAKUTI ‘TITCHIMBIYENGI MWAKUKUNTHIYAPU’​—JANI NDI CHIGOMEZGU CHAKUTI MWAZAMULONDE MPHOTU, PAVULI PAKI MUKANI MAFUMBU YANGA:

• Kumbi ndi “vinthu vamabuchibuchi” nivi vo vingatichitikiya pa umoyu? (Waku. 9:11)

• Kumbi pempheru lititiwovya wuli asani takumana ndi mayeseru?

• Asani tingafiska cha kuchita vinandi pakuteŵete Yehova nge mo tachitiyanga kali, ntchifukwa wuli titenere kuchita waka vo tingafiska?

• Ntchinthu wuli cho chitikuwovyani kuti mulutirizgi kuja ndi chigomezgu chakuti mwazamulonde mphotu?