Pa Upharazgi wa pa Phiri, Yesu wangukamba kuti: “Lekani kufipiya mtima umoyu winu.” (Mate. 6:25) Yesu wasambizanga akusambira ŵaki kuti angafipanga mtima mwakujumphisa cha, chinanga kuti ŵanthu akubuda angaleke limu cha kufipa mtima mucharu chaku Satana ichi. (Sumu 13:2) Chifukwa wuli? Wangukamba ivi chifukwa chakuti asani tifipa mtima ukongwa, chinanga mpha vinthu vo tikhumbikiya zuŵa lelosi pa umoyu, tikhoza kutimbanyizika ndipu tingatondeke limu kuŵika vinthu va Ufumu pamalu ngakwamba. (Mate. 6:33) Mwaviyo, vo Yesu wangukamba vitiwovyengi kuti tileki kufipa mtima mwakujumphisa.

• Mate. 6:26—Kumbi tingasambiranji ku tiyuni? (w16.07 9-10 ¶11-13)

• Mate. 6:27—Ntchifukwa wuli kufipa mtima mwakujumphisa kungatimaliya waka nyengu kweniso nthazi? (w05-CN 11/1 22 ¶5)

• Mate. 6:28-30—Kumbi tingasambiranji ku maluwa ngamudondu? (w16.07 10-11 ¶15-16)

• Mate. 6:31, 32—Kumbi Akhristu apambana wuli ndi ŵanthu amitundu? (w16.07 11 ¶17)

Kumbi ndi vinthuwuli vo ndikhumba kufipa navu mtima cha?