Asani ndimwi wachinyamata ndipuso mupharazgi wambula kubatizika pamwenga musambira Bayibolu, kumbi mukhumba kubatizika? Ntchifukwa wuli mukhumba kubatizika? Kujipatuliya ndipuso ubatizu vitovya kuti munthu waje pa ubwezi ndi Yehova. (Sl 91:1) Vitovya so kuti munthu wazitaskiki. (1Pe 3:21) Kumbi mutenere kuchitanji kuti mujipatuliyi ndi kubatizika?

Musimikizengi kuti vo musambira vauneneska nadi. Asani mwe ndi mafumbu mufufuzengi kuti musaniyi kwamuka kwaki. (Ar 12:2) Muziŵengi vinthu vo muchita umampha cha ndipu muyesesengi kusintha kuti mukondwesi Yehova. (Nth 27:11; Aef 4:23, 24) Nyengu zosi mupemphengi Chiuta kuti wakuwovyeni. Ziŵani kuti Yehova wakuchiskeningi ndipuso kukuwovyani ndi mzimu waki wakupaturika. (1Pe 5:10, 11) Phamphu linu lituwa pawaka cha. Kuteŵete Yehova ndiyu nthowa yamampha ya ku umoyu!—Sl 16:11.

WONERIYANI VIDIYO YAKUTI VO VINGAWOVYA KUTI MUNTHU WABATIZIKI, NDIPU MUKANI MAFUMBU YANGA:

• Kumbi ŵanthu anyaki amalana ndi masuzgu wuli kuti afiki pakubatizika?

• Kumbi mungachita wuli kuti muje ndi chivwanu cho chingakuwovyani kuti mujipatuliyi kwaku Yehova?

• Kumbi ndi vinthu wuli vo vachiska ŵanthu anyaki kuti abatiziki?

• Kumbi ŵanthu wo asankha kuteŵete Yehova asaniya vitumbiku wuli?

• Kumbi kujipatuliya kweniso ubatizu ving’anamuwanji?