Kumbi ndi masuzgu wuli ngo mukumana nangu zuŵa lelosi? Kumbi ndimwi mutu wa banja ndipu mwe ndi maudindu nganandi? Kumbi mulera mwija ŵana ndipu musuzgika kuŵaphwere? Kumbi musambira sukulu ndipu anyinu atikusuzgani? Kumbi mutamatama pamwenga musuzgika chifukwa cha ukoti? Weyosi wakumana ndi masuzgu. Akhristu anandi akumana ndi mayeseru. Kweni tiziŵa kuti pambula kuswera yapa tipumuwengi ku masuzgu ngenanga.—2Ak 4:16-18.

Po tilindiza vitumbiku venivi tipembuzgika kuziŵa kuti Yehova waziŵa masuzgu ngo tikumana nangu, wawonga kugomezgeka ndi kukunthiyapu kwidu ndipuso wazakutitumbika ukongwa. (Yer 29:11, 12) Yesu nayu wawona vo tichita. Asani tifiska ntchitu yo wakutipaska iyu watitisimikiziya kuti: “Ini ndiŵengi namwi.” (Mt 28:20) Chivwanu chidu chikuwa ndipuso tikunthiyapu mayeseru ngo tikumana nangu, asani tiŵanaŵaniya wanangwa wo tazamusaniya mu Ufumu waku Chiuta.—Ar 8:19-21.

WONERIYANI VIDIYO YAKUTI LUTIRIZGANI KULERESKA YESU PO CHIMPHUNGA CHE PAFUPI!—VITUMBIKU VO VIZENGI NDI UFUMU, NDIPU MUKANI MAFUMBU YANGA:

• Kumbi ndi vinthu wuli vo vinguchitiska kuti ŵanthu aŵi kutali ndi Chiuta, nanga venivi vachitiska kuti tikumanengi ndi masuzgu wuli?

• Kumbi ndi vinthu vamampha nivi vo Yehova walayizga ŵanthu akugomezgeka?

• Kumbi vazamuchitika wuli kuti ŵanthu azisaniyi vitumbiku venivi?

• Kumbi ndi vitumbiku nivi vo mukhumbisiska kuziviwona vichifiskika mucharu chifya?